ৰাজ্য চৰকাৰৰ বিশেষ বৈঠক, কেইবাটাও গুৰুত্বপূৰ্ণ সিদ্ধান্ত, চৰকাৰী বিদ্যালয় সন্দৰ্ভত ক’লে এই কথা-
আজি শুকুৰবাৰ ৯ আগষ্ট তাৰিখে সম্পন্ন হ’ল ৰাজ্য চৰকাৰৰ কেবিনেট বৈঠক। কেবিনেট বৈঠকৰ অন্তত সন্ধিয়া সংবাদমেলযোগে সিদ্ধান্তসমূহ সদৰী কৰে মুখ্যমন্ত্ৰী হিমন্ত বিশ্ব শৰ্মাই। কেইবাটাও গুৰুত্বপূৰ্ণ সিদ্ধান্ত গ্ৰহণ আজিৰ বৈঠকত।
ক্ষুদ্ৰ ব্যৱসায়ক লৈও কেবিনেটত সিদ্ধান্ত গ্ৰহণ কৰা হৈছে। GST জাননী প্ৰেৰণক লৈ শুকুৰবাৰৰ কেবিনেটত সিদ্ধান্ত লোৱা হৈছে। ৫ লাখৰ ওপৰৰ টেক্স ভেল্যু হ’লেহে জাননী যাব।
তাৰ বিপৰীতে ৫ লাখৰ তলৰ টেক্স ভেল্যুৰ ক্ষুদ্ৰ ব্যৱসায়ীলৈ ৰেহাই দিয়া হৈছে। GSTৰ ধাৰা ১৬১ অনুসৰি অসম কেবিনেটে এই সিদ্ধান্ত গ্ৰহণ কৰে। অকল ইমানেই নহয়, পুৰণি জাননীৰ পৰাও ৰেহাই পাব ক্ষুদ্ৰ ব্যৱসায়ীসকলে।
আনহাতে আজিৰ কেবিনেটে মৰাণ-মটক স্বায়ত্তশাসিত পৰিষদৰ সদস্য বৃদ্ধিৰো প্ৰস্তাৱো লোৱা হৈছে কেবিনেট বৈঠকত। বৰ্তমানৰ ২২ৰ পৰা ২৭গৰাকীলৈ বৃদ্ধি কৰা হ’ব সদস্যসংখ্যা।
কেবিনেট সিদ্ধান্ত অনুসৰি বিদ্যালয়ত ৰাজ্য চৰকাৰে নিযুক্তি দিব গণিতৰ স্নাতক শিক্ষক। ১৭৭৬গৰাকী শিক্ষকৰ বাবে গণিতৰ স্নাতক শিক্ষকৰ পদ সৃষ্টিত কেবিনেটে জনাইছে অনুমোদন।
পলিটেকনিক, অভিযান্ত্ৰিক কলেজতো ২২১টা পদত দিয়া হ’ব নতুন নিযুক্তি। তৃতীয়-চতুৰ্থ বৰ্গৰ পদত নিযুক্ত হ’ব ২২১ জন।
আনহাতে, BTRত অন্তৰ্ভুক্ত হ’ব ১৬খন নতুন গাঁও, আৰু ৩ খন গাঁৱত জনসংখ্যা হিচাপ কৰি সিদ্ধান্ত ল’ব সিদ্ধান্ত ল’ব ৰাজ্য় চৰকাৰে। এই গাঁও কেইখনত ৮০ শতাংশই জনজাতিয় লোক।
ইয়াৰ উপৰিও আজিৰ কেবিনেটত এক বিশেষ সিদ্ধান্ত, অসমৰ বহু ঠাইত স্থানীয় মাধ্যমৰ যেনে অসমীয়া, বড়ো, বঙালী আদি মাধ্যমত বহুতো ভাল ভাল শিক্ষানুষ্ঠান গঢ় সলৈ উঠিছে। যেনে- জাতীয় বিদ্যালয়, শংকৰদেৱ শিশু নিকেটন আদি।
এই বিদ্যালয়ত সমুহত ২৫ শতাংশ আসন চৰকাৰী কৰিব পাৰি নেকি এই বিষয়ে কথা-বতৰা হোৱাৰ বাবে নিৰ্দেশনা দিয়া হৈছে শিক্ষ বিভাগক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
