শিক্ষকে গুড টাচ্চ-বেড টাচ্চৰ বিষয়ে শিক্ষা দিয়াতহে পোহৰলৈ আহে পিতৃয়ে ২টা বছৰে ধৰি কৰি থকা কামৰ কথা
ভাল বেয়াৰ বিষযে একো নজনা এগৰাকী কনমানিয়ে বিদ্যালয়ত শিক্ষকে দিয়া ভাল টাচ্চ আৰু বেয়া টাচ্চৰ বিষয়ৰ জ্ঞান লাভ কৰিহে জানিব পাৰে নিজৰ লগত দুটা বছৰে ধৰি ঘটি থকা কাণ্ডৰ কথা।
এগৰাকী পঞ্চম শ্ৰেণীৰ ছাত্ৰীৰ সৈতে দুটা বছৰে ধৰি পিতৃয়ে কৰি আহিছিল জঘন্য কাম। যি কথা নিজে বুজি উঠাৰ পাছতে সহপাঠীৰ সৈতে কথাৰ ভাগ বতৰা কৰে কনমানিয়ে।
তাৰেই আন এগৰাকী কনমানিয়ে যেতিয়া শিক্ষাগুৰুক সেই বিষয়ে অৱগত কৰে লগে লগে কথা গৈ পৰে প্ৰধান শিক্ষকৰ ওচৰত। প্ৰধান শিক্ষকেও কোনো পলম নকৰাকৈ কনমানিগৰাকীক মাতি নি সোধ পোচ কৰাৰ লগতে আৰক্ষীকো ঘটনা সন্দৰ্ভে অবগত কৰে।
জানিব পৰা মতে এই নিকৃষ্ট ঘটনা সংঘটিত হৈছে উত্তৰ প্ৰদেশৰ গাজীপুৰৰ। য’ত এগৰাকী পিতৃয়েই দুটা বছৰে ধৰি পত্নী পূজা দিবলৈ যোৱাৰ সময়তে ঘৰত কোনো নথকাৰ সুযোগ লৈ প্ৰায়ে কনমানি কন্যাৰ সৈতে কৰি আহিছিল নিকৃষ্ট কাম।
আৰক্ষীয়ে ঘটনা সন্দৰ্ভত জানিব পৰাৰ লগে লগে কনমানিৰ ভাষ্য সংগ্ৰহ কৰি অভিযুক্ত পিতৃৰ নামত কলংকিত পাষণ্ডক আটক কৰি জেল হাজোতলৈ প্ৰেৰণ কৰে। আনহাতে কনমানিগৰাকীকো স্বাস্থ্য পৰীক্ষাৰ বাবে হাস্পতাললৈ প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
