অসম লাইভ২৪ঃ ক্ৰিকেটাৰ কে এল ৰাহুল আৰু অভিনেত্ৰী আথিয়া চেট্টীৰ বিবাহ সম্পন্ন হৈছে৷ ২৩ জানুৱাৰী তাৰিখে ক্ৰিকেটাৰ কে এল ৰাহুল আৰু অভিনেত্ৰী আথিয়া চেট্টীৰ বিবাহ সম্পন্ন হয়।
জনপ্ৰিয় যুঁটিটোৰ বিবাহক লৈ আনন্দিত হৈ পৰিছে অনুৰাগীমহলো। বহুকেইগৰাকী তাৰকা এই বিবাহত উপস্থিত থাকে। নিজা ফাৰ্ম হাউছত অনুষ্ঠিত হোৱা বিবাহত ক্ৰিকেটাৰসকলৰ বহুকেইগৰাকীয়ে উপস্থিত থাকিব নোৱাৰিলে৷ ভাৰত বনাম নিউজিলেণ্ডৰ খেল চলি থকাৰ বাবে ক্ৰিকেটাৰ বিৰাট কোহলীৰ লগতে ইণ্ডিয়া টীমৰ বাকীসকল খেলুৱৈ বিবাহত উপস্থিত থাকিব নোৱাৰিলে।
বিবাহত উপস্থিত নাথাকিলেও সতীৰ্থ খেলুৱৈৰ বিবাহত উপহাৰ পঠিয়াবলৈ নাপাহৰিলে বিৰাট কোহলী আৰু মহেন্দ্ৰ সিং ধোনীয়ে৷ বিৰাট কোহলীয়ে ৰাহুল আৰু আথিয়া চেট্টীক কি উপহাৰ পঠিয়ালে সেয়া জানিবলৈ আগ্ৰহী হৈ উঠিছে বহুজনেই৷ বিৰাটে আথিয়া-ৰাহুলক উপহাৰ দিছে এখন বি এম ডব্লিউ (BMW)। জানিব পৰা মতে গাড়ী খনৰ দাম হৈছে প্ৰায় ২.১৭ কোটি টকা। আনহাতে ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনীয়ে এখন কাৱাচাকি নিনজা বাইক ৰাহুলক উপহাৰ হিচাপে দিয়ে। মহেন্দ্ৰ সিঙ ধোনীয়ে উপহাৰ দিয়া বাইক খনৰ দাম হৈছে প্ৰায় ৮০ লাখ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
