৩৫ বছৰীয়া যুৱকৰ লোলুপ দৃষ্টিৰ পৰা হাত সাৰি নগ’ল ৪ বছৰীয়া কনমানি, আৰক্ষীৰ এ/ন/কা/উ/ণ্টা/ৰ
পুনৰবাৰ উত্তৰ প্ৰদেশৰ অয়োযোধ্যাত এটি নিৰীহ শিশুৰ ওপৰত নিষ্ঠুৰতাৰ ঘটনা পোহৰলৈ আহিছে। আয়োধ্যাৰ মহাৰাজগঞ্জ আৰক্ষী থানাৰ কুম্ভিয়া গাঁৱত চুবুৰীটোৰ এজন যুৱকৰ বিৰুদ্ধে ৪ বছৰীয়া দলিত শিশুৰ সৈতে বৰ্বৰতাৰ অভিযোগ উত্থাপন হৈছে।
ধৰ্ষণকাৰী ৩৫ বছৰীয়া ছলমান বুলি চিনাক্ত। অপৰাধ সংঘটিত কৰাৰ পিছত অভিযুক্তই সেই স্থানৰ পৰা পলায়ন কৰে। অৱশ্যে ঘটনাৰ কেইঘণ্টামানৰ পিছতে আৰক্ষীয়ে এনকাউণ্টাৰৰ অন্তত অভিযুক্ত ছলমানক গ্ৰেপ্তাৰ কৰে। আনহাতে নিৰীহ শিশুটিক সংকটজনক অৱস্থাত চিকিৎসালয়ত ভৰ্তি কৰা হৈছে।
জিলাখনৰ আৰক্ষী অধীক্ষক সন্দীপ সিঙে জনোৱা মতে, অভিযুক্ত ছলমানে আৰক্ষীৰ দলটোক গুলীচালনা কৰি পলাই গৈছিল। মহাৰাজগঞ্জৰ আইমী আলাপুৰ পথৰ তাৰাপুৰ গাঁৱৰ সমীপত আৰক্ষীয়েও অভিযুক্তক আটক কৰিবলৈ এনকাউণ্টাৰ কৰে। এই এনকাউণ্টাৰত গুলীত আঘাতপ্ৰাপ্ত হয় ছলমান। পাছত গ্ৰেপ্তাৰ কৰি চিকিৎসালয়লৈ লৈ যোৱা হৈছে অভিযুক্তকো।
শিশুটিৰ পৰিয়ালৰ লোকে জানিব দিয়া অনুসৰি, সন্ধিয়াৰ পৰা ৪ বছৰীয়া শিশুটি সন্ধানহীন হৈ আছিল। ৪-৫ ঘণ্টা ধৰি ঘৰলৈ উভতি নহাত বহু ঠাইত সন্ধান চলাই শিশুটিৰ। পিছত ছালমানৰ ঘৰৰ ওচৰতে শিশুটি সংকটজনক অৱস্থাত উদ্ধাৰ কৰা হয়। লগে লগে পৰিয়ালৰ লোকে আৰক্ষীক খবৰ দিয়ে।
বৰ্তমানে গাঁওখনত উত্তেজনাময় পৰিস্থিতি। ৰাজপথলৈ ওলাই আহিছে শ শ লোক। সেয়ে উত্তেজনাৰ পৰিপ্ৰেক্ষিতত গাঁওখনত আৰক্ষী বাহিনী মোতায়েন কৰা হৈছে সুৰক্ষাজনিত কাৰণত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
