অসম লাইভ ২৪ঃ অভিশপ্ত বাঘজান কাণ্ডৰ আজি এবছৰ সম্পূর্ণ হ’ল। ২০২০ চনত ২৭ মে’ৰ দিনা পুৱা ১০.৩০ বজাত এটা প্ৰকাণ্ড শুনা গৈছিল। শব্দটোৰ পাছতে নিমিষতে বৰণ সলাইছিল বাঘজানৰ আকাশে। চৌদিশে ধোঁৱাবৰণ, তেলৰ কণিকা আৰু ধাৰাবাহিকভাৱে কাণ তাল মৰা বিকট শব্দ শুনিবলৈ পোৱা গৈছিল। প্ৰাণৰ ভয়ত হাহাকাৰ গাঁওবাসীয়ে তালি-তোপোলা লৈ নিৰাপদ স্থানলৈ পলায়ন কৰিছিল। বহু চেষ্টা কৰিও জুই নুমাবলৈ সক্ষম হোৱা নাছিল অইল ইণ্ডিয়া লিমিটেড। তাৰ কিছুদিনৰ পাছত ৯ জুন ২০২০ত বাঘজানৰ খাদটোত পুনৰ জুই লাগিছিল। নিমিষতে জ্বলি চাৰখাৰ হৈছিল ১২টাকৈ বাসগৃহ। সেই জুয়ে ভাবুকি কঢ়িয়াই আনিছিল মাগুৰি মটাপুং বিলৰ মাছ আৰু দুষ্প্ৰাপ্য শিহুলৈ। আনকি মৃত্যুবৰণ কৰিছিল ৪ জনকৈ লোকে। সুদীর্ঘ ১৭২ দিনৰ অন্তত কানাডাৰ বিশেষজ্ঞ দলে সেই জুই নুমুৱাবলৈ সক্ষম হৈছিল। জুই নুমাল, কিন্তু আজিও শুকান হৈ আছে বাঘজানৰ চৌপাশ। এতিয়াও আছে লঠঙা আৰু আধাপোৰা গছবোৰ। সেউজীয়াৰ আশাত আজিও বন্দী বাঘজানবাসী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
