এই দুই সপ্তাহত আপোনাৰ কোনো গুৰুত্বপূৰ্ণ বেংকিং কাম আছে নেকি?২০২৬ চনৰ ৩১ আগষ্টৰ পৰা ৬ ছেপ্টেম্বৰৰ ভিতৰত কিছুমান অঞ্চলত বেংক বন্ধ থাকিব। এই সময়ছোৱাত বেংকৰ শাখা দুদিনলৈকে বন্ধ থাকিব পাৰে। অৱশ্যে সমগ্ৰ দেশতে এই বন্ধৰ দিনবোৰ একেধৰণৰ নহ’ব। কিছুমান বন্ধৰ দিন কেৱল নিৰ্দিষ্ট ৰাজ্য আৰু চহৰৰ বাবেহে প্ৰযোজ্য হ’ব।
ভাৰতীয় ৰিজাৰ্ভ বেংকৰ ছুটীৰ কেলেণ্ডাৰ অনুসৰি প্ৰতি দেওবাৰে বেংক বন্ধ থাকে। তদুপৰি প্ৰতি মাহৰ দ্বিতীয় আৰু চতুৰ্থ শনিবাৰেও বেংক বন্ধ থাকে। সেয়ে ৩০ আগষ্ট দেওবাৰে সমগ্ৰ দেশৰ সকলো ৰাজহুৱা আৰু ব্যক্তিগত বেংক বন্ধ হৈ পৰে। এতিয়া ৩১ আগষ্ট সোমবাৰে সাধাৰণ সময়ত খোলা হ’ব বেংকৰ শাখাসমূহ। এই সপ্তাহত পাঁচৰ পৰা ছয় দিনলৈকে বেংকিং সেৱা সাধাৰণভাৱে চলিব পাৰে। উল্লেখযোগ্য যে ৫ ছেপ্টেম্বৰ মাহৰ প্ৰথম শনিবাৰ, গতিকে সেইদিনা বেংক খোলা থাকিব।
৪ ছেপ্টেম্বৰত বহু চহৰত বন্ধ হ’ব বেংক
এই সপ্তাহৰ মূল বন্ধৰ দিন ৪ ছেপ্টেম্বৰ শুকুৰবাৰ। জন্মাষ্টমীৰ বাবে আজিৰ দিনটোত বহু চহৰত বন্ধ থাকিব বেংকৰ শাখা। ইয়াৰ ভিতৰত আহমেদাবাদ, আইজল, ভূপাল, ভুৱনেশ্বৰ, চণ্ডীগড়, চেন্নাই, ডেৰাডুন, গংটক, হায়দৰাবাদ, জয়পুৰ, জম্মু, কানপুৰ, কোচি, কলকাতা, লক্ষ্ণৌ, পাটনা, ৰায়পুৰ, ৰাঞ্চি, শিলচৰ, শিমলা, শ্ৰীনগৰ, তিৰুৱনন্তপুৰম, আৰু বিজয়াৱাড়া আদি চহৰ। ইয়াৰ পিছতে ৬ ছেপ্টেম্বৰ দেওবাৰে সমগ্ৰ দেশতে বেংকসমূহে সাধাৰণ সাপ্তাহিক ছুটী গ্ৰহণ কৰিব। যদি আপুনি এই চহৰবোৰত থাকে আৰু যিকোনো কাম কৰিবলৈ বেংকৰ শাখালৈ যাব বিচাৰে তেন্তে ৪ ছেপ্টেম্বৰৰ বন্ধৰ দিনটো মনত ৰখাটো গুৰুত্বপূৰ্ণ।
অহা সপ্তাহতো ৩ দিন বন্ধ থাকিব বেংক
অহা সপ্তাহত অব্যাহত থাকিব বেংকৰ ছুটী। ৭ ছেপ্টেম্বৰৰ পৰা ১৩ ছেপ্টেম্বৰৰ ভিতৰত তিনিদিন বন্ধ থাকিব পাৰে। অৱশ্যে দেশজুৰি সকলো বন্ধৰ দিন প্ৰযোজ্য নহ’ব। জয়পুৰ পৌৰ নিগমৰ নিৰ্বাচনৰ বাবে অহা ১১ ছেপ্টেম্বৰ শুকুৰবাৰে জয়পুৰ চহৰত বন্ধ থাকিব বেংক। ইয়াৰ পিছত মাহৰ দ্বিতীয় শনিবাৰ ১২ ছেপ্টেম্বৰ শনিবাৰে দেশজুৰি বেংকসমূহ বন্ধ থাকিব। এই দিনটোত শ্ৰীমন্ত শংকৰদেৱৰ তিৰুভৱ তিথিও পালন কৰা হয়। ১৩ ছেপ্টেম্বৰ দেওবাৰেও বন্ধ থাকিব বেংক।
বেংক বন্ধ হ’লেও অনলাইন কাম বন্ধ নহ’ব
বেংকৰ শাখা বন্ধ হোৱাৰ অৰ্থ এইটো নহয় যে বেংকিং সেৱা সম্পূৰ্ণৰূপে বন্ধ হৈ যাব। বন্ধৰ দিনতো গ্ৰাহকে ইউপিআই, এটিএম, ইণ্টাৰনেট বেংকিং, মোবাইল বেংকিং আদি ডিজিটেল সেৱা ব্যৱহাৰ কৰিব পাৰে। NEFT আৰু RTGSৰ দৰে অনলাইন সেৱাও উপলব্ধ। বেংকিং এপ আৰু ডিজিটেল সেৱাসমূহ সাধাৰণতে সপ্তাহৰ সাত দিন ২৪ ঘণ্টাই উপলব্ধ। সেয়েহে বেংকৰ বন্ধৰ দিনতো অনলাইনযোগে টকা ট্ৰেন্সফাৰ বা বেলেঞ্চ চেক কৰাৰ দৰে গুৰুত্বপূৰ্ণ কাম সম্পন্ন কৰিব পৰা যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
