মা সৰস্বতী কেতিয়া বিতুষ্ট হয়?

আজি সৰস্বতী পূজা৷ আজিৰ দিনটোত সমগ্ৰ দেশতে উলহ-মালহেৰে উদযাপন কৰা হয় সৰস্বতী পূজা অৰ্থাৎ বসন্ত পঞ্চমীৰ দিনটো৷ যথাবিহিত পূজা-অৰ্চনা আগবঢ়োৱা হয় মা সৰস্বতীলৈ৷ শিক্ষাৰ্থীৰ বাবে আজিৰ দিনটোৰ গুৰুত্ব অপৰিসীম৷ এই দিনটোত শিক্ষাৰ্থীসকলে কেইটামান দিশত বিশেষভাৱে গুৰুত্ব আৰোপ কৰা উচিত যাতে মা সৰস্বতী কোনো কাৰণতে অসন্তুষ্ট হ’বলগা নহয়৷ বসন্ত পঞ্চমীৰ দিনটোত এইসমূহ কাম শিক্ষাৰ্থীসকলে কৰা অনুচিত৷

• বসন্ত পঞ্চমীৰ দিনটোত ক’লা বা ৰঙা ৰঙৰ বস্ত্ৰ পিন্ধিব নালাগে৷ ইয়াৰ পৰিৱৰ্তে সেউজীয়া, হালধীয়া আৰু বগা ৰঙৰ বস্ত্ৰ পৰিধান কৰাটো শুভ বুলি মনা হয়৷
• বসন্ত পঞ্চমী এক প্ৰাকৃতিক উৎসৱ৷ গতিকে এই দিনটোত ফচল কটাৰ কাম কৰিব নালাগে৷ লগতে ঘৰতো গছ-গছনি কাটিব নালাগে৷
• এই দিনটো কাৰো ক্ষেত্ৰত অপশব্দ প্ৰয়োগ কৰিব নালাগে৷ কোৱা হয় যে সৰস্বতী কণ্ঠত থাকে৷ সেয়েহে অনে কৰিলে সৰস্বতী অসন্তুষ্ট হয় বুলি বিশ্বাস কৰা হয়৷
• স্নান নকৰাকৈ ভোজন গ্ৰহণ কৰা অনুচিত৷ প্ৰথমে সৰস্বতীক পূজা আগবঢ়াই পাছতহে খাদ্য গ্ৰহণ কৰিব লাগে৷
• কেৱল নিৰামিষ আহাৰ গ্ৰহণ কৰক সৰস্বতী পূজাৰ দিনটোত৷
• সৰস্বতী পূজাৰ দিনা ব্যক্তিয়ে ব্ৰহ্মাচাৰ্য ব্ৰত পালন কৰিব লাগে৷
• সৰস্বতী পূজাৰ দিনটোত এইকেইটা দিশত বিশেষভাৱে মন কৰা উচিত ব্যক্তিয়ে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ