আই পি এলৰ নতুন ছিজন আৰম্ভ হ’বলৈ এসপ্তাহতকৈও কম সময় বাকী আছে, কিন্তু এতিয়াও সম্পূৰ্ণ সূচী প্ৰকাশ পোৱা নাই। মাত্ৰ কেইদিনমানৰ আগতে বিচিচিআইয়ে ২৮ মাৰ্চৰ পৰা ১২ এপ্ৰিললৈকে সূচী প্ৰকাশ কৰিছিল, য’ত মাত্ৰ ২০খন মেচহে আছিল। তেতিয়াৰ পৰাই ছিজনৰ বাকী থকা মেচবোৰৰ তাৰিখ জানিবলৈ সকলোৱে অপেক্ষা কৰি আছে। কিন্তু এটা প্ৰশ্ন উত্থাপন হৈছে আই পি এল ২০২৬ত কিমানখন মেচ খেলিব? আগৰ দৰে ৭৪খন মেচ হ’বনে বৃদ্ধি পাব? অৱশ্যে এতিয়া এটা প্ৰতিবেদনত নিশ্চিত কৰা হৈছে যে ৭৪ খন মেচ হ’ব, আৰু বাকী ৫৪খন মেচৰ তাৰিখ নতুন ছিজন আৰম্ভ হোৱাৰ ঠিক আগতেই প্ৰকাশ কৰা হ’ব।
কিমান মেচ বাকী, কেতিয়া আহিব সূচী?
বিগত কিছুদিন ধৰি বিচিচিআইয়ে এইবাৰ মেচৰ সংখ্যা ৮০খনলৈ বৃদ্ধি কৰিব পাৰে বুলি ধাৰাবাহিকভাৱে জল্পনা-কল্পনা চলি আহিছে। অৱশ্যে ক্ৰিকবাজৰ এক প্ৰতিবেদনত দেখা গৈছে যে এয়া সঁচা নহয়। প্ৰতিবেদনত উল্লেখ কৰা হৈছে যে, আই পি এল ২০২৬ ৰ বাবে এতিয়াও মাত্ৰ ৫৪খন মেচ ঘোষণা কৰা হোৱা নাই , আৰু বি চি চি আইয়ে ২৬ মাৰ্চৰ ভিতৰত এই কথা প্ৰকাশ কৰাৰ সম্ভাৱনা আছে। প্ৰতিবেদনত কোৱা হৈছে যে ব’ৰ্ডে সকলো ফ্ৰেঞ্চাইজিক জনাইছে যে এই মেচসমূহৰ সময়সূচী এতিয়াও চূড়ান্ত হোৱা নাই যদিও ইয়াৰ বাবে ৩-৪ দিন লাগিব পাৰে।
বিধানসভা নিৰ্বাচনৰ দিন ঘোষণাৰ বাবে অপেক্ষা কৰি থকা অৱস্থাত বিচিচিআইয়ে মাত্ৰ প্ৰথম ২০খন খেলৰ সূচী প্ৰকাশ কৰে। ইতিমধ্যে বিধানসভা নিৰ্বাচনৰ দিন ঘোষণা কৰা হৈছে, আৰু তামিলনাডু, পশ্চিম বংগ, আৰু অসমৰ বাবে আই পি এলৰ মেচ অনুষ্ঠিত হোৱাৰ কথা। সেয়ে এই ৰাজ্যসমূহত ভোটদান হোৱা দিনকেইটাত চেন্নাই (২৩ এপ্ৰিল), কলকাতা (২৩ আৰু ২৯ এপ্ৰিল), আৰু গুৱাহাটী (৯ এপ্ৰিল)ত কোনো মেচ অনুষ্ঠিত নহয়। ২৯ মাৰ্চৰ ভিতৰত সকলো ৰাজ্য আৰু কেন্দ্ৰীয় শাসিত অঞ্চলত ভোটদান সমাপ্ত হ’ব, আৰু ৪ মে’ত ভোট গণনা কৰা হ’ব। সেয়েহে এই তাৰিখবোৰত এই ৰাজ্যসমূহত কোনো আই পি এল মেচ অনুষ্ঠিত নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
