ইণ্ডিয়ান প্ৰিমিয়াৰ লীগ (IPL)ৰ উত্তেজনাৰ মাজতো খেলুৱৈসকলৰ ওপৰত কেমেৰা নিবদ্ধ হৈ থাকে। ৰাজস্থান ৰয়েলছ (আৰ আৰ)ৰ অধিনায়ক তথা যুৱ চেনচেচন ৰিয়ান পৰাগৰ বাবে এই কেমাৰাৰ দৃশ্য অলপ ব্যয়বহুল বুলি প্ৰমাণিত হৈছে। যোৱা কেইদিনমানৰ পৰা চলা জল্পনা-কল্পনাৰ অন্ত পেলাই অৱশেষত পৰাগৰ অন-কেমেৰা ভেপিঙক দমন কৰিলে বিচিচিআইয়ে। অনুশাসনহীনতাৰ এই গোচৰটোৱে পৰাগৰ অধিনায়কত্বক লৈ প্ৰশ্ন উত্থাপন কৰাই নহয় খেলৰ মৰ্যাদাক লৈও এক নতুন বিতৰ্কৰ সূচনা কৰিছে।
মুল্লাংপুৰত পঞ্জাব কিংছ আৰু ৰাজস্থান ৰয়েলছৰ মাজত অনুষ্ঠিত হোৱা খেলৰ সময়ত এই ঘটনা সংঘটিত হয়। খেলখনৰ লাইভ সম্প্ৰচাৰৰ সময়ত কেমেৰাই ৰাজস্থান ৰয়েলছৰ ড্ৰেছিং ৰুমত এটা দৃশ্য বন্দী কৰে, য’ত অধিনায়ক ৰিয়ান পৰাগক ই-চিগাৰেট (ভেপ) ব্যৱহাৰ কৰি আছিল। ছ’চিয়েল মিডিয়াত এই ভিডিঅ’টো ধুমুহাৰ দৰে বিয়পি পৰাত ক্ৰিকেট জগতত তেওঁৰ এই কাৰ্যক লৈ তীব্ৰ সমালোচনা হয়।
বিচিচিআইৰ কঠোৰ ব্যৱস্থা
বিষয়টোৰ গুৰুত্বৰ প্ৰতি লক্ষ্য ৰাখি বিচিচিআইয়ে ৰিয়ান পৰাগক আইপিএলৰ আচৰণ বিধি উলংঘা কৰাৰ বাবে দোষী সাব্যস্ত কৰিছে। ব’ৰ্ডে জাৰি কৰা আনুষ্ঠানিক বিবৃতি অনুসৰি পৰাগক মেচ মাচুলৰ ২৫ শতাংশ জৰিমনা বিহা হৈছে। আই পি এলৰ আচৰণ বিধিৰ ২.১ অনুচ্ছেদৰ অধীনত ‘লেভেল ১’ অপৰাধত দোষী সাব্যস্ত হৈছে।
পৰাগে নিজৰ ভুল স্বীকাৰ কৰি মেচ ৰেফাৰীয়ে দিয়া অনুমোদন মানি লৈছে। নিয়ম অনুসৰি লেভেল ১ উলংঘাৰ বাবে মেচ ৰেফাৰীৰ সিদ্ধান্ত চূড়ান্ত আৰু বাধ্যতামূলক।
ৰিয়ান পৰাগ এজন অতি প্ৰতিভাশালী খেলুৱৈ, কিন্তু এই বিতৰ্কই তেওঁৰ উৎকৃষ্ট প্ৰদৰ্শনত প্ৰভাৱ পেলাইছে। তেওঁৰ মেচ মাচুলৰ ২৫ শতাংশ হেৰুৱাই পেলোৱাটো হয়তো ডাঙৰ কথা নহয়, কিন্তু খেলুৱৈগৰাকীৰ সন্মানত পৰা এই দাগ বহুদিনলৈ থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
