মাহেকীয়াৰ সময়ত চেনিটেৰী পেড ব্যৱহাৰ কৰা আজিৰ সময়ত এক সাধাৰণ আৰু সুবিধাজনক অভ্যাস। কিন্তু ভুল ধৰণে বা দীৰ্ঘ সময় একেটা পেড ব্যৱহাৰ কৰিলে স্বাস্থ্যজনিত বিভিন্ন সমস্যাৰ সৃষ্টি হ’ব পাৰে। সেয়ে চেনিটেৰী পেড ব্যৱহাৰ কৰাৰ আগতে আৰু ব্যৱহাৰৰ সময়ত কিছু সাৱধানতা অৱলম্বন কৰাটো অতি প্ৰয়োজন।
সময়মতে পেড সলনি কৰক
এটা চেনিটেৰী পেড সাধাৰণতে ৪–৬ ঘণ্টাৰ ভিতৰত সলনি কৰাটো উচিত। ৰক্তস্ৰাৱ কম হ’লেও একেটা পেড বহু সময় ব্যৱহাৰ কৰিলে বেক্টেৰিয়াৰ বৃদ্ধি হোৱাৰ সম্ভাৱনা থাকে, যাৰ ফলত দুৰ্গন্ধ, খজুৱতি বা সংক্রমণ হ’ব পাৰে।
ব্যক্তিগত পৰিচ্ছন্নতা বজাই ৰাখক
পেড সলনি কৰাৰ আগতে আৰু পিছত চাবোনেৰে হাত ধোৱাটো জৰুৰী। লগতে গোপন অংগ পৰিষ্কাৰ আৰু শুকান ৰাখিলে সংক্রমণৰ আশংকা যথেষ্ট হ্ৰাস পায়।
সুগন্ধিযুক্ত পেড ব্যৱহাৰ
কিছুমান সুগন্ধিযুক্ত পেডত থকা ৰাসায়নিক পদাৰ্থে সংবেদনশীল ত্বকত জ্বলা-পোৰা, খজুৱতি বা এলাৰ্জিৰ সৃষ্টি কৰিব পাৰে। যদি এনে সমস্যা অনুভৱ কৰে, তেন্তে সুগন্ধিবিহীন পেড বাছনি কৰাই ভাল।
ব্যৱহৃত পেড সঠিকভাৱে পেলাওক
ব্যৱহৃত পেড কাগজ বা বিশেষ ৰেপাৰত মেৰিয়াই ডাষ্টবিনত পেলাব লাগে। টয়লেটত ফ্লাছ নকৰিব, কিয়নো ইয়াৰ ফলত নলাব্যৱস্থাত সমস্যা হ’ব পাৰে।
কাপোৰ ব্যৱহাৰ নকৰিব
তেওঁ বুজাই দিয়ে যে, মহিলাসকলে পুৰণি, লেতেৰা কাপোৰ ব্যৱহাৰ কৰা বহু ক্ষেত্ৰত দেখা যায়। সেইবোৰ দীৰ্ঘদিন ব্যৱহাৰ কৰিলে যোনিৰ সংক্ৰমণ হ’ব পাৰে। কাপোৰৰ শোষণ ক্ষমতা কম, আৰু একেখন কাপোৰ বাৰে বাৰে ব্যৱহাৰ কৰিলে যোনিৰ বিভিন্ন ৰোগৰ সম্ভাৱনা বৃদ্ধি পায়। তদুপৰি কাপোৰে মহিলাক অস্বস্তি অনুভৱ কৰায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
