অসম লাইভ২৪ঃ ২০২০ চনত বিগ বছৰ ঘৰত তেওঁলোকৰ দেখাদেখি হৈছিল। ৰিয়েলিটি শ্ব’ত যোগ দিয়াৰ পৰাই আসীম ৰিয়াজ আৰু হিমাংক্ষী খুৰানাৰ মাজত পোনতে বন্ধুত্বপূৰ্ণ সম্পৰ্ক গঢ়ি উঠে। এই সম্পৰ্কই লাহে লাহে প্ৰেমলৈ ৰূপান্তৰিত হয়। বিগ বছৰ ঘৰৰ পৰা ওলোৱাৰ পাছতো বলীউডৰ বিভিন্ন পাৰ্টীৰ লগতে বিমান বন্দৰত একেলগে দেখা গৈছিল আসীম-হিমাংক্ষীক। প্ৰায় ৩বছৰ ধৰি এই সম্পৰ্ক চলিল যদিও শেহতীয়াকৈ হিমাংক্ষী খুৰানাৰ এটা পষ্টে স্পষ্ট কৰিছে যে দুয়োৰে মাজত সম্পৰ্কত বিভেদ আহিছে।
পোনতে প্ৰেম ভঙাৰ গুঞ্জৰ চলিছিল বিভিন্ন মহলত। কিন্তু হিমাংক্ষী নতুবা আসীম কোনোৱে বিষয়টোৰ ওপৰত কোনোধৰণৰ মন্তব্য কৰা নাছিল। বিগত ৬ ডিচেম্বৰত হিমাংক্ষীয়ে টুইটাৰত লিখিছে বিশেষ পোষ্ট। হিমাংক্ষীয়ে লিখিছে, ‘হয়, আমি একেলগে নাই। কিন্তু আমি একেলগে কটোৱা সময়খিনিক মই আজীৱন মনত ৰাখিম। এতিয়াৰে পৰা আমাৰ পথ বেলেগ বেলেগ। আমি পৰস্পৰৰ ধৰ্মকো সন্মান কৰো। ভিন্ন মতাদৰ্শৰ কাৰণেই পৃথক পৃথক পথ বাচি ল’বলৈ বাধ্য হৈছো। নিজ নিজ ধৰ্মৰ প্ৰতি ভালপোৱাৰ ভাৱ মনত থকাৰ বাবেই আমি এই সিদ্ধান্ত গ্ৰহণ কৰিছো। আমাৰ এজনৰ বিৰুদ্ধে আনজনৰ কোনো ক্ষোভ নাই।’
উল্লেখ্য যে হিমাংক্ষী আৰু আসীমক বিভিন্ন গানৰ ভিডিঅ’ত দৰ্শকে একেলগে দেখিছে। আসীমৰ বাবে দীৰ্ঘ ৯ বছৰীয়া সম্পৰ্ক ভাঙিছিল হিমাংক্ষীয়ে। কেমেৰাৰ সন্মুখতেই এজনে আনজনৰ ভালপোৱা স্বীকাৰো কৰি লৈছিল। হিমাংক্ষী আৰু আসীমে শেহতীয়াকৈ ধৰ্মৰ দোহাই দি সম্পৰ্ক বিচ্ছেদ কৰাত অনুৰাগীয়ে বিষয়টোক লৈ বিভিন্ন দিশেৰে সমালোচনা কৰাও পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
