কেইবাদিনো হ’ল আলোচনাত আছে অভিনেতা ৰাজপাল যাদৱ৷ এম এছ মুৰলি প্ৰজেক্টছ প্ৰাইভেট লিমিটেডৰ অভিযোগ, ঋণ লৈ সেই ধন পৰিশোধ কৰা নাই অভিনেতা ৰাজপাল যাদৱ আৰু তেওঁৰ পত্নীয়ে৷ যাৰ ফলত দিল্লী হাইকৰ্টৰ নিৰ্দেশ অনুসৰি তিহাৰ জে’ল কৰ্তৃপক্ষৰ কাষত আত্মসমৰ্পণ কৰিছে অভিনেতাজনে৷ এই বিতৰ্কৰ মাজতে ৰাজপালৰ কাষত থিয় দিছে অভিনেতা চনু চুড৷
কৌতুকভিনেতাৰ পক্ষ লৈ কি কৈছে চনু চুডে?
অভিনেতা চনু চুডে এটা পোষ্ট কৰি লিখিছে, আমাৰ দেশৰ অন্যতম শক্তিশআলী অভিনেতা হৈছে ৰাজপাল যাদৱ৷ ইমান বছৰ ধৰি বহু ভাল ভাল কাম আমাক উপহাৰ দিছে তেওঁ৷ কিন্তু মাজে মাজে এনে সময় আহে যি সময়ে সকলো ওলট পালট কৰি দিয়ে৷ মোৰ ছবিত ৰাজপালে অভিনয় কৰিব৷ মোৰ ধাৰণা আমি অভিনেতা, পৰিচালক, প্ৰযোজক সকলো সময়ত এক হব লাগে৷ আমি যেতিয়া কাৰোবাক সমস্যাত পৰা দেখো তেতিয়া তেওঁৰ কাষত থিয় দিয়াটো কৰ্তব্য৷ তেতিয়াহে আমি বিশ্বক দেখুৱাব পাৰিম যে ইণ্ডাষ্ট্ৰী, পেছাদাৰিত্বৰ ওপৰতো কিছু আছে৷’
উল্লেখ্য ইণ্ডাষ্ট্ৰি সূত্ৰৰ খবৰ প্ৰায় ৯ কোটি টকা ঋণ লৈছিল ৰাজপালে৷ সেই সংস্থাৰ দাবী, প্ৰাপ্য অৰ্থ উভতাই দিয়া নাই অভিনেতা ৰাজপালে৷ ২০১৮ চনত দিল্লীৰ এখন মেজিষ্ট্ৰেট আদালতে চেক বাউন্স গোচৰত ৰাজপাল আৰু তেওঁৰ পত্নীক দোষী সাব্যস্ত কৰে৷ সম্প্ৰতি অভিনেতা ৰাজপালে ধন পৰিশোধ কৰাৰ সময়সীমা বঢ়োৱাৰ অনুৰোধ কৰিছিল যি স্পষ্টভাৱে অস্বীকাৰ কৰে হাইকৰ্টে৷ অভিনেতাৰ আইনজীৱীয়ে আদালতক জনাইছে যে তেওঁৰ মক্কেলে ৫০ লাখ টকা যোগাৰ কৰিছে৷ বাকী টকা শোধ কৰাৰ বাবেও আৰু এসপ্তাহ সময় বিচাৰিছে৷ কিন্তু ২ ফেব্ৰুৱাৰীত বিয়লি ৪টাৰ ভিতৰত অভিনেতাক আত্মসমৰ্পণৰ নিৰ্দেশ দিছিল আদালতে৷ ইয়াৰ পাছত কিন্তু সময়সীমা আৰু বঢ়োৱা নহ’ল৷ আত্মসমৰ্পণৰ পাছত নতুনকৈ তেওঁক টকা পৰিশোধৰ কোনো সুযোগ দিয়া যাবনে সেয়া আদালতৰ বিচাৰ্য বিষয় কিন্তু পূৰ্বেও বহুবাৰ তেওঁক সুযোগ দিয়া হৈছিল৷ সেই সুযোগ পায়ো তেওঁ বাৰে বাৰে ধন পৰিশোধ কৰাত ব্যৰ্থ হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
