পাৰ্টিৰ পৰা প্ৰেমলৈ… প্ৰথম বিবাহৰ পৰা বিচ্ছেদ হোৱাৰ পিছত পুনৰ প্ৰেমত পৰে বলীউডৰ এইগৰাকী নায়ক। পাঁচ বছৰীয়া প্ৰেমৰ অন্তত ১৯৬৫ চনত বিবাহপাশত আবদ্ধ হৈ দুই সন্তানৰ পিতৃ-মাতৃ হয়। সকলোৰে মতে তেওঁলোকৰ এটা সুখী পৰিয়াল আছিল। ইয়াৰ পিছত সুদৰ্শন নায়কজন কৰ্মসূত্ৰে বাংগালুৰুলৈ গুচি যায়।
বাংগালুৰুত হায়দৰাবাদী ৰাজপৰিয়ালৰ কন্যা এয়াৰহোষ্টেছ জ্যোতিকা ধনৰাজগীক লগ পায়। তেওঁ নায়কতকৈ বহুত সৰু। তেওঁৰ লগত তেওঁ প্ৰেমত পৰে। যিহেতু জ্যোতিকা বাংগালুৰুত বাস কৰিছিল আৰু নায়কজন নিজেই মূলতঃ সেই চহৰৰ আছিল, সেয়েহে তেওঁ কৰ্ম ভ্ৰমণক অজুহাত হিচাপে ব্যৱহাৰ কৰিবলৈ আৰম্ভ কৰিছিল। তেওঁ মুম্বাইৰ পৰা বেছি দিন আঁতৰি থাকি জ্যোতিকাৰ লগত সময় কটায়, পত্নী সুন্দৰী খান আৰু সন্তানক ঘৰত এৰি ৰঙীন পৃথিৱীত মচগুল। ইফালে মুম্বাইত থকা তেওঁৰ পত্নী আৰু সন্তানে একো জানিব পৰা নাছিল। এই সম্পৰ্ক বছৰ বছৰ ধৰি চলি থাকিল।
যেতিয়া পত্নীয়ে প্ৰেমৰ কথা গম পায়, তেতিয়া তেওঁ ৰৈ নাথাকিল। পিছত এটা সাক্ষাৎকাৰত তেওঁ এই সকলো কথা কয়। এই মানসিক অস্থিৰতা আৰু নিসংগতাৰ লগত খাপ খুৱাবলৈ তেওঁৰ প্ৰায় এবছৰ সময় লাগে।
জ্যোতিকাই বাৰে বাৰে নায়কক বিয়া পাতিবলৈ অনুৰোধ কৰিছিল। কিন্তু বিবাহিত নায়কজনে ক’লে, কথাবোৰ যিদৰে আছে তেনেকৈ তেওঁ সুখী আৰু বিষয়টো আৰু জটিল কৰি তুলিব নিবিচাৰে। জ্যোতিকা ৰৈ থাকিল। নায়কজনেও বিষয়টো পিছুৱাই লৈ গৈ থাকিল। বছৰ বছৰ ধৰি একেলগে থকাৰ পিছতো নায়কজন বিয়াৰ বাবে সাজু নাছিল। তেতিয়াই জ্যোতিকাই নিজৰ সিদ্ধান্ত ল’লে। সম্পৰ্ক শেষ কৰি তেওঁ বিদেশলৈ গুচি যায়।
এই নায়কজন আন কোনো নহয়, ফাৰ্দিন খানৰ পিতৃ ফিৰোজ খান। এই নায়ক আন কোনো নহয়, ফাৰ্দিন খানৰ পিতৃ ফিৰোজ খান। পৰিয়ালৰ বিভেদৰ মাজতে ফাৰ্ডিনে ডাঙৰ হৈছিল। ২০০০ চনৰ আৰম্ভণিতে তেওঁৰ হিট ছবিৰ ধাৰাবাহিকতা বৰ্তাই আছিল যদিও ২০০১ চনত ড্ৰাগছৰ গোচৰত গ্ৰেপ্তাৰ হোৱাৰ পিছত তেওঁৰ কেৰিয়াৰ স্তব্ধ হৈ পৰে। এটা দশকৰো অধিক সময় ছবিৰ পৰা আঁতৰি যায়। তেওঁৰ অস্বাভাৱিক পৰিমাণৰ ওজন বৃদ্ধি পাইছিল আৰু ২০২৩ চনত ‘ভিছফ’ট’ ছবিৰে প্ৰত্যাৱৰ্তন কৰে। তেওঁৰ ৰূপান্তৰ সমগ্ৰ ভাৰততে ভাইৰেল হৈ পৰিছিল। ২০০৯ চনৰ ২৭ এপ্ৰিলত বেংগালুৰুত কৰ্কট ৰোগত আক্ৰান্ত হৈ ৬৯ বছৰ বয়সত ফিৰোজ খানৰ মৃত্যু হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
