ৰূপালী পৰ্দাতেই হওক বা ব্যক্তিগত জীৱনতেই হওক, অভিনেত্ৰী নীনা গুপ্তাই জীৱনৰ প্ৰতিটো অধ্যায়তে ছাঁচ ভাঙিবলৈ সাহস দেখুৱাইছে। ৱেষ্ট ইণ্ডিজৰ কিংবদন্তি ভিভ ৰিচাৰ্ডছৰ সৈতে সম্পৰ্কৰ সময়ত অবিবাহিত অৱস্থাত গৰ্ভৱতী হোৱাৰ পৰা আৰম্ভ কৰি সমাজৰ প্ৰতি কোনো গুৰুত্ব নিদিয়াকৈ কন্যা মাচাবাক অকলে ডাঙৰ-দীঘল কৰালৈকে, কাষ্টিং কাউচৰ বিৰুদ্ধে মাত মাতিবলৈলৈকে নীনাই সদায় নিজৰ চৰ্তত জীৱন নিৰ্বাহ কৰি আহিছে। কিন্তু বিতৰ্কই কেতিয়াও তাইৰ পক্ষ এৰি নাযায়। আনকি ৬৭ বছৰ বয়সতো যেতিয়া শুনিব লাগে ‘কেতিয়া বিয়া হ’ব?’ বা ডাঙৰ পেটেৰে কটুক্তি সহ্য কৰিবলগীয়া হৈছে, এই অভিনেত্ৰীগৰাকীয়ে আকৌ এবাৰ প্ৰমাণ কৰিছে যে কেনেকৈ সঁহাৰি জনাব লাগে।
শেহতীয়াকৈ দিয়া এক সাক্ষাৎকাৰত নীনাক সোধা হৈছিল যে যেতিয়া তেওঁৰ চৌপাশৰ মানুহে তেওঁক সুধি থাকে, “আপুনি কেতিয়া বিয়া হ’ব?” নীনাই পোনে পোনে উত্তৰ দিয়ে। তেওঁ ক’লে, “মই স্পষ্টকৈ কওঁ, মই তোমাৰ দেউতাকৰ টকাৰে জীয়াই নাথাকো ব্ৰ’! মই কোনো কাৰণতে তোমাৰ ওপৰত নিৰ্ভৰশীল নহয়। গতিকে তোমাৰ কি সমস্যা?”
কেৱল বিবাহৰ প্ৰশ্নই নহয়, এমাহ পূৰ্বে নেটিজেনৰ পৰা এক অদ্ভুত প্ৰথাৰ সন্মুখীন হ’বলগীয়া হৈছিল প্ৰবীণ অভিনেত্ৰীগৰাকীয়ে। হায়দৰাবাদত দক্ষিণৰ তাৰকা বিজয় দেৱেৰাকোণ্ডা আৰু ৰশ্মিকা মণ্ডনাৰ অভ্যৰ্থনা অনুষ্ঠানত উপস্থিত হয় নীনা গুপ্তা আৰু তেওঁৰ স্বামী বিবেক মেহৰা। যদিও কন্যা মাচাবা গুপ্তাই ডিজাইন কৰা বগা শাৰী এখনত চকু কপালত তুলিছিল যদিও কঁকালৰ সামান্য ফুলি উঠা অংশই নেটিজেনৰ এটা অংশৰ দৃষ্টি আকৰ্ষণ কৰিছিল। আৰু সেইবাবেই ষাঠি বছৰ বয়সত পুনৰ গৰ্ভৱতী হৈছে বুলি কোৱা হয়!
অভিনেত্ৰীগৰাকীয়েও নিজৰ হাস্যৰস আৰু কটু শৈলীৰে এই বিষয়টোক লৈ মুকলিকৈ কৈছে। নীনাৰ সৎ কথা, “সেইদিনা শাৰীখন পিন্ধাৰ পিছত ক্ৰীজ বা ভাঁজৰ বাবে কঁকালৰ ওচৰত অলপ ফুলি উঠিছিল। বাৰু, মানুহে ক’বলৈ ধৰিলে যে মই ৬০ বছৰ বয়সতে গৰ্ভৱতী! মই মোৰ পি আৰ টিমকো কওঁ যে মই সঁচাকৈয়ে গৰ্ভৱতী! মোক মোটা বুলি কয় – হয়, মই গৰ্ভৱতী!”
বয়স যে মাত্ৰ এটা সংখ্যা সেই কথা প্ৰমাণ কৰি ট্ৰ’লৰ প্ৰতি নীনা গুপ্তাৰ শক্তিশালী সঁহাৰিয়ে তেওঁৰ স্পষ্টবাদীতা আৰু হাস্যৰসৰ বাবে পুনৰবাৰ পঞ্চমুখ অনুৰাগীৰ প্ৰশংসা লাভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
