শোকৰ গভীৰ ছাঁ পৰিছে বলীউডত। বলীউডৰ অভিনেতা দিনিয়াৰ তিৰান্দজৰ দেহাৱসান। প্ৰবীণ অভিনেতাগৰাকীয়ে কেইবাটাও টিভি শ্ব’ আৰু ছবিত অভিনয় কৰিছে। দিনিয়াৰে চিনেমা আৰু বিভিন্ন শ্ব’ত হাস্যৰস আৰু পাৰ্চী চৰিত্ৰত অভিনয় কৰিছিল। দৰ্শকৰ মাজত তেওঁ জনপ্ৰিয় মুখ হৈ পৰিছিল। তেওঁৰ মৃত্যুৰ খবৰ ছ’চিয়েল মিডিয়াত বিয়পি পৰাত তেওঁৰ সহ অভিনেতা, অনুৰাগী আৰু চলচ্চিত্ৰ জগতৰ সদস্যসকলে শোক প্ৰকাশ কৰে। দিনিয়াৰৰ মৃত্যুৰ খবৰটো প্ৰথমে শ্বেয়াৰ কৰিছিল ফেচবুক গ্ৰুপ ‘পাৰ্চি জড়োষ্ট্ৰিয়ানছ ৱৰ্ল্ডৱাইড – দ্য হায়দ্ৰাবাদী পেজ’ই। বিয়লি ৩:৪৫ বজাত মুম্বাইৰ ৱাডিয়া বাংলোত শেষ নিশ্বাস ত্যাগ কৰে দিনিয়াৰ তিৰান্দজে।
১৯৮৪ চনত ৰমেশ তালৱাৰৰ পৰিচালনাত নিৰ্মিত একচন ছবি ‘দুনিয়া’ৰ জৰিয়তে দিনীয়াৰ তিৰান্দজে নিজৰ কেৰিয়াৰ আৰম্ভ কৰিছিল।তাৰ পিছত তেওঁ ‘নুক্কাৰ’ (১৯৮৬-৮৭) আৰু ‘ব্যোমকেশ বাক্ষী’ (১৯৯৩) আদি ধাৰাবাহিকত অভিনয় কৰিছিল। কিন্তু ১৯৯৩ চনৰ পৰা ১৯৯৭ চনলৈ প্ৰচাৰিত জনপ্ৰিয় চিটকম ‘জুবান সংহল কে’ত মিষ্টাৰ কেকিৰ চৰিত্ৰত অভিনয় কৰি তেওঁ প্ৰকৃত স্বীকৃতি লাভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
