তিনি বছৰত তিনিবাৰ ভাঙিল! মুখ্যমন্ত্ৰী নীতীশৰ সপোনৰ সেতু নিৰ্মাণৰ কাম শেষ হ’বনে? যাতায়াত চলিবনে ১৭০০ কোটিটকীয়া সেতুৰে?

এবাৰ নহয়, নিৰ্মাণকাৰ্য চলি থকাৰ সময়ত দুবছৰৰ ভিতৰত তিনিবাৰ ভাঙি পৰিল বিহাৰৰ মুখ্যমন্ত্ৰী নীতিশ কুমাৰে নিৰ্মাণ কৰাই থকা ‘সাধেৰ’ সেতু৷ ছুলতানগঞ্জ- আগুৱানী ঘাটত গংগাৰ ওপৰত সেতু নিৰ্মাণৰ কাম আৰম্ভ হৈছিল নবছৰ পূৰ্বেই৷ ভাগলপুৰ জিলাৰ সৈতে খাগৰিয়া জিলালৈ সংযোগস্থাপনত কোটি কোটি টকা ব্যয় কৰি এই সেতু নিৰ্মাণৰ কাম চলিছে৷ খাগৰিয়াৰ পৰা ছুলতানগঞ্জলৈ যাবলৈ এতিয়া বহুদূৰ পথ অতিক্ৰম কৰিব লাগে৷ এই দলঙে সেই দূৰত্ব কমাই আনিব৷ লগতে সময় আৰু তেলো যথেষ্ট ৰাহি হ’ব৷

২০১৫ চনতেই পৰিকল্পনামতে আৰম্ভ হৈছিল এই দলঙৰ কাম৷ ২০১৪ চনৰ ২৩ ফেব্ৰুৱাৰীত এই সেঁতুৰ শিলান্যাস হৈছিল৷ ৩.১৬ কিঃমিঃ দীৰ্ঘ এই সেঁতু নিৰ্মাণৰ নামত বিহাৰ চৰকাৰে মুকলি কৰি দিছিল ১৭১০ টকা৷ সেই আধাৰশিলা স্থাপনৰ ৯বছৰ সম্পূৰ্ণ হ’ল৷ কিন্তু দুই জিলা আজিও সংযোগ নহ’ল৷ এফালৰ পৰা নিৰ্মাণকাৰ্য চলি গৈছে আনফালে ভাঙিও গৈছে৷ এবাৰ দুবাৰ নহয় মুঠ ৩বাৰ ভাঙিছে সেই সেঁতু৷ শনিবাৰে সেই সেঁতুৰ এক বিশাল অংশ শনিবাৰে অৰ্থাৎ আজি আকৌ ভাঙি পৰিছে৷

বাৰে বাৰে কিয় এই সেঁতু ভাঙে সেই বিষয়টোক লৈ পূৰ্বেও প্ৰশ্ন উঠিছিল৷ নিম্নমানৰ নিৰ্মাণসামগ্ৰী ব্যৱহাৰৰ অভিযোগো উত্থাপিত হৈছিল৷ ইয়াৰ পূৰ্বে ২০২২ চনতো এবাৰ ভাঙি পৰিছিল এই সেতু৷ ভাগলপুৰৰ কাষত এই সেতুৰ এটা অংশ ভাঙি পৰিছিল৷ তাৰপাছতেই ২০২৩ চনৰ জুন মাহত খাগৰিয়াৰ ফালে ভাঙি পৰিছিল সেঁতুৰ অংশ৷ দুবাৰ ভাঙি পৰাৰ পাছত নিৰ্মাণকাৰী সংস্থাক জৰিমনাও বিহিছিল বিহাৰ চৰকাৰে৷ কেৱল সেয়াই নহয় পুন নিৰ্মাণৰ খৰচো তেওঁলোকেই বহন কৰিব লাগিব বুলি নিৰ্দেশনা প্ৰকাশ পাইছিল৷ সেই ঘটনাৰ পৰাও শিক্ষা নল’লে নিৰ্মাণকাৰী সংস্থাই৷ যাৰ বাবে আকৌ এবাৰ ভাঙি পৰিছে নিৰ্মাণ শেষ নোহোৱা বিশেষ দলংখন৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ