ভাৰতৰ স্বঘোষিত ধৰ্মগুৰু ভগৱান শ্ৰী ৰজনীশ ওৰফে ওছোৰ আশ্ৰমত কৈশোৰ কালত অবাধ আৰু অনিয়ন্ত্ৰিত যৌনতাৰ চিকাৰ হৈছিল এগৰাকী ব্ৰিটিছ নাগৰিক৷ সেই ব্ৰিটিছ মহিলা এতিয়া ৫৪ বছৰীয়া৷ তেওঁ এই ভয়ংকৰ অভিজ্ঞতাৰ কথা শ্বেয়াৰ কৰামাত্ৰকে ভাইৰেল হৈ পৰিছে সামাজিক মাধ্যমত৷ তেওঁৰ ওপৰত চলা সেই নিৰ্যাতনৰ কথা শুনি সিঁহৰিত হৈ পৰিছে বহুজন৷ স্বঘোষিত ধৰ্মগুৰুৰ আশ্ৰমৰ কুকীৰ্তিসমূহ এটাৰ পাছত এটাকৈ কৈ গৈছে ব্ৰিটিছ মহিলাগৰাকীয়ে৷
ওছোৰ সেই আশ্ৰমত ব্ৰিটিছ মহিলাগৰাকীক এটা নাম দি লোৱা হৈছিল৷ ব্ৰিটিছ মহিলাক সেই আশ্ৰমত নাম দিছিল প্ৰেম চৰগম৷ অভিযোগ অনুসৰি মাত্ৰ ৬বছৰ বয়সতে তেওঁৰ সৈতে যৌন উৎপীড়ণ চলিছিল৷ ওছোৰ সেই আশ্ৰমত তেওঁৰ ওপৰত বাৰে বাৰে যৌন আতিহায্য চলোৱা হৈছিল৷ ব্ৰিটিছ মহিলাই কয়, ‘ওছোৰ ৩টা সন্ন্যাস কমিউনিটিৰ আশ্ৰমতেই মই সময় কটাইছো৷ ৬বছৰ বয়সৰ পৰা মই তাতেই ডাঙৰ হৈছো৷ নিষ্পাপ শিশু আছিলো৷ সেই সুযোগ গ্ৰহণ কৰি মোৰ ওপৰত যৌন উৎপীড়ন চলাই গৈছিল৷ আধ্যাত্মিক পাঠ পঢ়োৱাৰ নামতো চলিছিল উদ্দাম যৌনতা৷’
দুঃস্বপ্নৰ সেই নিশাসমূহৰ বৰ্ণনা দিবলৈ গৈ প্ৰেম সৰগমে কয়, ‘৬বছৰ বয়সত মোক লৈ ব্ৰিটেইনৰ পৰা পুনেলৈ আহিছিল মোৰ দেউতা৷ তেঁৱো সন্ন্যাস গ্ৰহণ কৰিছিল৷ মোক আৰু দেউতাক আশ্ৰমতেই ৰখা হৈছিল৷’ কেনেকৈ তেওঁৰ নাম সলনি কৰা হ’ল গেৰুৱা বসন পিন্ধিবলৈ বাধ্য কৰোৱা হ’ল সকলোবোৰ বাখ্যা কৰিছে প্ৰেম সৰগমে৷ তেওঁ কয়, ‘আশ্ৰমত তেওঁক বুজোৱা হৈছিল পিতৃ-মাতৃৰ যৌন জীৱনত বাধা হয় শিশুসকল৷’
প্ৰেম সৰগমে কয়, ‘ওছোৱে বিশ্বাস কৰে শিশুসকলক নিয়মিত যৌনতাৰ শিক্ষা দিয়া উচিত৷ লগতে যৌনতা স্বচক্ষে শিশুৱে দেখা উচিত৷ আৰু বয়ঃসন্ধিকালত কিশোৰীসকলে যুৱকসকলৰ দ্বাৰা যৌন সুখ পোৱা উচিত৷ পিডোফিলিয়া অৰ্থাৎ প্ৰবীণসকলৰ মাধ্যমেৰে শিশুসকলৰ ওপৰত যৌন নিগ্ৰহকো সেই আশ্ৰমত স্বাভাৱিক আচৰণ হিচাপে ধৰা হ’ব পাৰে৷’
মাত্ৰ ১২ বছৰ সময়ত তেওঁক ধৰ্ষণ কৰা হৈছিল বুলি উল্লেখ কৰিছে প্ৰেম সৰগমে৷ ইয়াৰ পূৰ্বে ১১ বছৰ বয়স পৰ্যন্ত নানানধৰণে প্ৰবীণসকলক যৌনসুখ দিবলৈ বাধ্য কৰা হ’ব পাৰে তেওঁক৷ বোৰ্ডিং স্কুলত পঠিওৱাৰ সময়ত মেদিনা আশ্ৰমতো যৌন উৎপীড়নৰ স্বীকাৰ হৈছিল প্ৰেম সৰগমে৷ ১২ বছৰ বয়স হোৱাৰ পাছত তেওঁক পঠিওলা হয় আমেৰিকাৰ ওৰেগাঁওত ওছোৰ এখন আশ্ৰমলৈ৷ তেতিয়ালৈকে তেওঁক প্ৰায় ৫০বাৰ ধৰ্ষণ কৰা হৈছিল৷ প্ৰেম সৰগমে লগতে কয় যে ১৬ বছৰ বয়সত তেওঁ বুজিব পাৰিছিল তেওঁৰ সৈতে ঘটিছে কি? কিন্তু তেতিয়ালৈতে বহু দেৰি হৈ গৈছিল৷
কি এই ওছো কাল্ট?
ৰজনীশ কাল্ট বা ওছো কাল্ট স্থাপন কৰা হৈছে ১৯৭০ চনত৷ আধ্যাত্মিকতাবাদত আকৃষ্ট হৈ বিদেশৰ পৰা যিসকল ভাৰতলৈ আহে তেওঁলোকৰ বাবে এই আশ্ৰম তৈয়াৰ কৰিছিল স্বঘোষিত ধৰ্মগুৰুৱে৷ পুনেত প্ৰথম আশ্ৰমখন নিৰ্মাণ কৰাৰ পূৰ্বে তেওঁ দৰ্শনৰ অধ্যাপক আছিল এই ৰজনীষ ওৰফে ওছো৷
১৪ বছৰ বয়সৰ পৰা পাৰ্টনাৰ ছোয়েপিং অৰ্থাৎ সংগী সাল সলনি কৰাৰ পন্থাত বিশ্বাস ৰাখে ওছোৱে৷ অবাধ যৌনাচাৰত বিশ্বাসী এই ধৰ্মগুৰুক ভাৰতত ‘ছেক্স গুৰুৰ’ নাম দিয়া হয়৷ সেই ওছোৰেই এতিয়া ৯৩খন বিলাসবহুল ৰোলছ ৰয়েছ বাহন আছে৷ সেই ওছোকেই আমেৰিকাত ৰোলছ ৰয়েছ গুৰু নাম দিয়া হয়৷ সম্প্ৰতি মুক্তি পাব ‘চিলড্ৰেন অফ দ্যা কাল্ট’ নামৰ এখন ডকুমেণ্টৰীও৷ তাতেই প্ৰেম চৰগমৰ কাহিনীও তুলি ধৰা হ’ব৷ কেনেতৈ ওছোৰ সেই আশ্ৰমৰ পৰা ব্ৰিটিছ ব্যক্তিজনে পলাই গৈ জীৱন ৰক্ষা কৰিলে সেই কাহিনীও তথ্যচিত্ৰত দেখুওৱা হ’ব৷ প্ৰেম চৰগমে কয়, ‘মই দেখাব খোজো হাজাৰ হাজাৰ কিশোৰীৰ সৈতে ওছোৰ আশ্ৰমত কি চলি আছে সকলোবোৰ মই দেখুৱাব খোজো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
