সম্প্ৰতি অন্যান্য টেলিকম সংস্থাৰ ৰিচাৰ্জ প্লেন বঢ়াৰ পাছত BSNLৰ গ্ৰাহকৰ সংখ্যা বাঢ়িছে৷ ইয়াৰ মাজতেই BSNLয়ে লৈছে আন এক বৃহৎ উদ্যোগ৷ এই উদ্যোগেই আৰু জনপ্ৰিয়তা বঢ়াব বিএছএনএলৰ বুলি ধাৰণা কৰা হৈছে৷ আনকি মুকেশ আম্বানীৰ সংস্থা ৰিলায়েন্সো প্ৰতিযোগীতাৰ মুখত পৰিব পাৰে৷
জনা গৈছে যে ১৪,৫০০ ফুট উচ্চতালৈকে ৪জি নেটৱৰ্ক দিবলৈ সক্ষম হৈছে বিএছএনএলে৷ লাডাখৰ প্ৰান্তীয় অঞ্চলৈকে গৈ পাইছে নেটৱৰ্ক৷ বিচ্ছিন্ন এলেকাসমূহৰ মাজত সংযোগ বঢ়োৱা হৈছে৷
কেন্দ্ৰীয় সম্প্ৰচাৰ মন্ত্ৰী জ্যোতিৰাদিত্য সিন্ধিয়াই কয়, সমগ্ৰ দেশত ৩৫ হাজাৰতকৈ বেছি ৪জি টাৱাৰ স্থাপন কৰা হৈছে৷ লক্ষ্য হৈছে ২০২৫ চনৰ জুন মাহৰ মাজভাগলৈকে ১ লাখ টাৱাৰ স্থাপন কৰা৷ ইয়াৰ বাবে চৰকাৰে সহযোগিতা কৰিছে৷ চৰকাৰে এই সংস্থাক ৬হাজাৰ কোটি টকা আৰ্থিক সাহায্য আগবঢ়াইছে৷ নেটৱৰ্ক অৰুণাচল প্ৰদেশৰ মালাপুৰ পৰা আৰম্ভ কৰি লাডাখৰ ফোবৰাং পৰ্যন্ত পাইছেগৈ বিএছএনএলৰ নেটৱৰ্ক৷
TRAI-ৰ তথ্যই কৈছে যে, ২০২৪ চনৰ জুলাই মাহত ২৯.৪ লাখ নতুন গ্ৰাহক যোগ হৈছে বিএছএনএলত৷ অন্যান্য সংস্থাৰ গ্ৰাহকৰ সংখ্যা সেই অনুপাতে কমিব ধৰিছে৷ জুলাই মাহৰ পৰা ক্ৰমশ গ্ৰাহকৰ সংখ্যা বাঢ়িবলৈ আৰম্ভ হৈছে বিএছএনএলৰ৷ জুলাই মাহত প্ৰথমে ১৫ দিনত ১৫লাখতকৈ বেছি মানুহে বিএছএনএল চিম উলিয়াইছে৷ ইয়াৰপাছৰে পৰাই সংস্থাৰ ব্যৱসায় দোপতদোপে উঠিব ধৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
