অসম লাইভ২৪ঃ দীপাৱলী আৰু কালীপুজাৰ মাহতেই তৈয়াৰ হৈছে বুধাদিত্য যোগ। জ্যোতিষ শাস্ত্ৰ অনুসৰি সূৰ্য আৰু বুধৰ যুঁটিয়ে তৈয়াৰ কৰিছে বুধাদিত্য যোগ। এই দুই গ্ৰহই একে ৰাশিত অহাকেই বুধাদিত্য যোগ বুলি কোৱা হয়। দীপাৱলীৰ পাছতেই বৃশ্চিক ৰাশিত এই যোগ তৈয়াৰ হৈছে। জ্যোতিষ গণনা অনুসৰি ৬ নৱেম্বৰত বুধে বৃশ্চিক ৰাশিত ভ্ৰমণ কৰিবলৈ আৰম্ভ কৰিছে। ১৭ নৱেম্বৰত আকৌ একে ৰাশিতেই প্ৰৱেশ কৰিব সূৰ্যই। যাৰ ফলত বৃশ্চিকত বুধ আৰু সূৰ্যৰ মিলন ঘটি তৈয়াৰ হ’ব বুধাদিত্য যোগ। জ্যোতিষ শাস্ত্ৰত এই যোগ অত্যন্ত শুভ আৰু ব্যক্তিৰ জীৱনত এই যোগে একাধিক প্ৰভাৱ পেলাব বুলি জ্যোতিষ শাস্ত্ৰই দাবী কৰে। এই যোগৰ প্ৰভাৱত কোন কোন ৰাশিৰ জাতকৰ জীৱনত উন্নতি আহিব?
তুলা ৰাশি
তুলা ৰাশিৰ জাতকৰ বাবে বুধাদিত্য ৰাজযোগ অনুকূল প্ৰমাণিত হ’ব। আপোনাৰ ৰাশিৰ ধনৰ স্থানত এই যোগ তৈয়াৰ হ’ব। বিভিন্ন সময়ত আকস্মিক ধন লাভ কৰিব পাৰিব এই ৰাশিৰ জাতকে। ইয়াৰোপৰি ৰৈ থকা ধনো উভতাই পাব এই ৰাশিৰ জাতকে। এই ৰাশিৰ চাকৰিয়াল জাতকৰ আয় বৃদ্ধি পাব। কৰ্মক্ষেত্ৰত ভাল প্ৰদৰ্শন কৰি প্ৰশংসা লাভ কৰিব এই ৰাশিৰ জাতকে। কঠিন প্ৰচেষ্টাৰ ফলতেই কেৰিয়াৰত অসাধাৰণ সাফল্য অৰ্জন কৰিব। ইয়াৰোপৰি পাৰিবাৰিক সুখ শান্তি লাভ কৰিব পাৰিব। আপোনাৰ বাণীৰ প্ৰভাৱ বাঢ়িব। ব্যৱসায়ীসকলৰো ঘন লাভৰ সম্ভাৱনা। মাৰ্কেটিং, মিডিয়া, শিক্ষা, যোগাযোগৰ সৈতে জড়িত জাতকসকলৰ বাবেও এই সময় শুভ।
সিংহ ৰাশি
বুধাদিত্য ৰাজযোগ সিংহ ৰাশিৰ জাতকৰ বাবে শুভ আৰু ফলদায়ী। আপোনাৰ ৰাশিৰ চতুৰ্থ স্থানত এই যোগ তৈয়াৰ হৈছে। এই সময়ত গাড়ী আৰু সম্পত্তি লাভৰ যোগ আছে। কোনো বিলাসবহুল সামগ্ৰী ক্ৰয় কৰিব পাৰে সিংহ ৰাশিৰ জাতৰে। ইয়াৰোপৰি সিংহ ৰাশিৰ জাতকে ব্যৱসায়ত সফলতা লাভ কৰিব। আপোনাৰ কৰ্মস্থানত দৃষ্টি থাকিব বুধাদিত্য যোগৰ। ব্যৱসায়ত উন্নতি লাভ কৰিব পাৰিব। চাকৰিয়াল জাতকসকলে কৰ্মক্ষেত্ৰত একাধিক দায়িত্ব লাভ কৰিব। মাতৃৰ সহযোগিতা লাভ কৰিব সিংহ ৰাশিৰ জাতকে।
মকৰ ৰাশি
মকৰ ৰাশিৰ জাতকৰ আয়ৰ স্থানতেই বুধাদিত্য ৰাজযোগ তৈয়াৰ হৈছে। কাৰণ আপোনাৰ ৰাশিৰ আয় আৰু লাভৰ স্থানত এই যোগৰ প্ৰভাৱ পৰিব। আপোনাৰ আয় অসাধাৰণ হাৰত বৃদ্ধি পাব। আয়ৰ নতুন উৎসও তৈয়াৰ হ’ব। ভাগ্যৰ সংগ লাভ কৰি ৰৈ যোৱা কোনো কাম সম্পন্ন হ’ব। চাকৰীয়ালসকলে কৰ্মক্ষেত্ৰত ভাল প্ৰদৰ্শনৰ বাবে প্ৰশংসিত হ’ব। সন্তানৰ পৰা সু সংবাদ লাভ কৰিব। পুত্ৰ লাভৰো যোগ আছে। শ্বেয়াৰ বজাৰ, বেটিং, লটাৰীতো ধন লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
