জ্যোতিষশাস্ত্ৰ অনুসৰি সূৰ্য আৰু চন্দ্ৰই যেতিয়া এটাই আনটোৰ ঠিক বিপৰীতে অৱস্থান কৰে আৰু তেওঁলোকৰ মাজত ১৮০ কোণ তৈয়াৰ হয় তেতিয়াই তৈয়াৰ হয় শক্তিশালী ব্যতিপত যোগ৷ আগন্তুক ৩১ মাৰ্চ ২০২৬ মঙলবাৰে পুৱা ৭ বাজি ২৬ মিনিটত এই বিশেষ যোগ গঠিত হব৷ জ্যোতিষীৰ মতে সাধাৰণত ব্যতিপত যোগক চেলেঞ্জিং সময় হিচাপে ধৰা হয়৷ এই বছৰ এই যোগে ৪টা ৰাশিৰ জাতকৰ বাবে শুভ ফল কঢ়িয়াই আনিব বুলি আশা কৰা হৈছে৷
কৰ্কট ৰাশি
এই সূৰ্য-চন্দ্ৰৰ বিপৰীত অৱস্থান কৰ্কট ৰাশিৰ জাতকৰ বাবে বিশেষভাৱে অনুকূল হব পাৰে৷ গুৰুত্বপূৰ্ণ সিদ্ধান্ত লোৱাৰ বাবে এই সময় ভাল৷ মানসিক শান্তি আৰু ইতিবাচক চিন্তাভাৱনা বৃদ্ধি পাব৷ দাম্পত্য জীৱনত কোনো ভুল বুজাবুজি থাকিলে সেয়া দূৰ হব৷ নতুন বাহন ক্ৰয়ৰ সুযোগ তৈয়াৰ হব পাৰে৷ সামাজিক সন্মান আৰু পৰিচিতিও বাঢ়িব পাৰে৷
সিংহ ৰাশি
সিংহ ৰাশিৰ জাতকৰ বাবে এই যোগে অগ্ৰগতিৰ নতুন দুৱাৰ খুলি দিব পাৰে৷ পৰিয়ালত উত্তেজনা কমি মানসিক শান্তি উভতিব পাৰে৷ কৰ্মক্ষেত্ৰত দায়িত্ব বাঢ়িব আৰু আৰ্থিক অৱস্থাৰ উন্নতিৰ সম্ভাৱনা আছে৷ অতীতত কৰা বিনিয়োগৰ পৰা লাভৰ সম্ভাৱনা আছে৷ পৰিয়ালত অহংকাৰ বা মতবিৰোধ যাতে বাঢ়িব নিদিয়ে সেই পৰামৰ্শ দিছে জ্যোতিষীয়ে৷
বৃশ্চিক ৰাশি
বৃশ্চিক ৰাশিৰ জাতকৰ বাবে এই সময় অত্যন্ত ইতিবাচক হ’ব পাৰে৷ দীৰ্ঘদিনৰ বিবাদ দূৰ হব পাৰে আৰু কৰ্মক্ষেত্ৰত সন্মান বৃদ্ধি পাব পাৰে৷ নতুন কোনো প্ৰকল্প বা কাম আৰম্ভ কৰাৰ বাবে এই সময় অনুকূল৷ ব্যৱসায়ত লাভ বাঢ়িব পাৰে আৰু ব্যয় কমি সঞ্চয়ৰ সুযোগ তৈয়াৰ হব৷ স্বাস্থ্যৰো উন্নতি হোৱাৰ সম্ভাৱনা আছে৷
কুম্ভ ৰাশি
কুম্ভ ৰাশিৰ জাতকৰ বাবে সূৰ্য-চন্দ্ৰৰ এই বিশেষ অৱস্থানে আৰ্থিক উন্নতিৰ পথ খুলি দিব পাৰে৷ ৰৈ থকা অৰ্থ উভতাই পোৱাৰ সম্ভাৱনা আছে৷ মানসিক উদ্বেগ কমি স্থিতিশীলতা উভতি আহিব৷ ইয়াৰোপৰি শাৰীৰিক শক্তি আৰু কৰ্মক্ষমতাও বাঢ়িব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
