এক্সিট প’ল যদি সঁচা হয়, কংগ্ৰেছে যদি চৰকাৰ গঠন কৰে, তেন্তে কোন হ’ব হাৰিয়ানাৰ মুখ্যমন্ত্ৰী
হাৰিয়ানাৰ ৰাজনীতিত বৰ্তমানে বিশেষভাৱে চৰ্চিত এটি নাম কুমাৰী শৈলজা। যাক হাৰিয়ানাৰ ভৱিষ্যত মুখ্যমন্ত্ৰী হিচাপে মানা হৈছে। কিয়নো এক্সিট প’লত ৰাজ্যখনত কংগ্ৰেছ বিজেপিতকৈ বহু আগবাঢ়ি আছে। যদিহে সঁচাকৈ এক্সিট প’ল সঁচা প্ৰমাণিত হয়, তেন্তে কংগ্ৰেছে চৰকাৰ গঠন কৰিব।
অৱশ্যে কংগ্ৰেছ জয় হোৱাৰ আশা থাকিলেও অন্তৰ মহলত কিছু বেমেজালিয়ে দেখা দিছে। ইমানবোৰ শীৰ্ষ নেতাৰ মাজৰ পৰা কোন হব ৰাজ্যখনৰ মুখ্যমন্ত্ৰী। কংগ্ৰেছে কাক মুখ্যমন্ত্ৰীৰ পদত ৰাখিব। এই ক্ষেত্ৰত মহিলা নেত্ৰী কুমাৰী শৈলজাৰ নাম বিশেষভাৱে চৰ্চিত হৈ আছে।
৫ অক্টোবৰত অনুষ্ঠিত হৈ যোৱা ভোটগ্ৰহণত কাইলৈ ৮ অক্টোবৰ তাৰিখে ভোটগণনা হব। মুঠ ৯০ খন আসনত ৬৫ শতাংশ লোকে ভোটাধিকাৰ সাব্যস্ত কৰে।
এই ক্ষেত্ৰত যদি এক্সিট প’ল ভুল বুলি প্ৰমাণিত হয় আৰু বিজেপিয়েই বিজয় হয়, তেন্তে বিজেপিৰ ফালৰ পৰা নায়ম সিং সৈনিয়েই পুনৰ মুখ্যমন্ত্ৰী পদ লাভ কৰিব। পাছে কংগ্ৰেছৰ ফালৰ পৰা কোন। এই ক্ষেত্ৰত এগৰাকী দলিত নেতাকো মুখ্যমন্ত্ৰীৰ পদ দিয়াৰ সম্ভৱনা আছে। কিয়নো ৰাজ্যখনত ১৯৬৬ চনত ৰাজ্য ঘোষিত হোৱাৰে পৰা আজি পৰ্যন্ত কোনো এজনো দলিত লোকে মুখ্যমন্ত্ৰী পদ লাভ কৰা নাই।
যাৰ বাবে প্ৰাক্তন কেন্দ্ৰীয় মন্ত্ৰী কুমাৰী শৈলজাই এইবাৰ এগৰাকী দলিত নেতাক মুখ্যমন্ত্ৰী পতাৰ বিষয় উত্থাপন কৰিছিল। যি কথাৰ দ্বাৰা শৈলজাই নিজে মুখ্যমন্ত্ৰী হোৱাৰ ইচ্ছা প্ৰকাশ কৰিছিল। পাছে কংগ্ৰেছৰ ফালৰ পৰা মুখ্যমন্ত্ৰী হোৱাৰ পথত আছে অন্য শীৰ্ষ নেতাও । এই ক্ষেত্ৰত শীৰ্ষত আছে ৰাজ্য খনৰ প্ৰাক্তন মুখ্যমন্ত্ৰী ভূপেন্দ্ৰ সিং হুড্ডা। লগতে আছে ৰাজ্যসভাৰ সাংসদ ৰণদীপ সুৰজেৱালা। এতিয়া কেৱল কালিৰ ভোটগণনালৈ অপেক্ষা সকলোৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
