অসম লাইভ২৪ঃ দেওবাৰৰ দিনটোৰ মুখ্য খবৰ সমূহ ভিতৰত প্ৰথমেই আছে উত্তৰ প্ৰদেশৰ ঘটনা। উত্তৰপ্ৰদেশৰ প্ৰয়াগৰাজত আৰক্ষীৰ চকুৰ সন্মুখতেই আততায়ীৰ হাতত নিহত হৈছে গেংষ্টাৰ আতিক আহমেদ আৰু তেওঁৰ ভাতৃ আছৰফ। আতিক আৰু আছৰফৰ মৃতদেহ মৰোণোত্তৰ পৰীক্ষাৰ বাবে লৈ গৈছে আৰক্ষীয়ে। হাস্পতাললৈ স্বাস্থ্য পৰীক্ষাৰ বাবে লৈ যাওঁতে সংবাদমাধ্যমৰ আগত মন্তব্য দি থাকোতেই আততায়ীৰ গুলীত নিহত হৈছে আতিক আৰু আছৰফ। আতিক আৰু আছৰাফৰ মৃত্যুৱে দখল কৰিছে আজিৰ সংবাদ শিৰোনাম।
চিবিআইৰ দফতৰত হাজিৰ হ’ব দিল্লীৰ মুখ্যমন্ত্ৰী কেজৰিৱাল
আবকাৰী বিভাগৰ দুৰ্নীতিৰ গোচৰত আজি দিল্লীৰ মুখ্যমন্ত্ৰী তথা আম আদমী পাৰ্টীৰ নেতা অৰবিন্দ কেজৰিৱালক তলব কৰিছে চিবিআইয়ে। আজি পুৱা ১১ বজাত চিবিআইৰ কাৰ্যালয়ত হাজিৰ হ’ব আপ নেতা তথা মুখ্যমন্ত্ৰী কেজৰিৱাল।
ৰাহুলে আৰম্ভ কৰিছে নিৰ্বাচনী সভা
আজি কোলাৰত কংগ্ৰেছ নেতা ৰাহুল গান্ধীৰ নিৰ্বাচনী সভা। দুপৰীয়া এই সভাত ভাগ ল’ব কংগ্ৰেছ নেতাগৰাকীয়ে। এই স্থানত সভা কৰিয়েই পূৰ্বে মোদীৰ বিৰুদ্ধে আপত্তিকৰ মন্তব্য কৰি জামিন ল’ব লগা হৈছে ৰাহুলে। পুনৰ সেই স্থানতেই আজি সভাত অংশগ্ৰহণ কৰিব ৰাহুলে। আজি কি মন্তব্য কৰিব ৰাহুলে সেই লৈ সকলোৰে দৃষ্টি এতিয়া ৰাহুলৰ সভাখনলৈ।
ৰাজ্যত আজি বতৰ কেনে থাকিব?
বিগত কেইবাদিনো ধৰি তাপমাত্ৰা বৃদ্ধি পাইছে ৰাজ্যত। আজিৰ দিনটোত ৰাজ্যৰ তাপমাত্ৰা ৩৮ ডিগ্ৰীলৈ বৃদ্ধি পাব। আগন্তুক কেইবাদিনলৈ ৰাজ্যত বতৰ ফৰকাল থাকিব।
দেশৰ কভিড পৰিস্থিতি
দেশত বৃদ্ধি হৈছে ক’ৰনাৰ সংক্ৰমণ। বিগত কেইবাদিনো ধৰি সংক্ৰমণৰ সংখ্যা বহু পৰিমানে বৃদ্ধি পাইছে। কেন্দ্ৰীয় স্বাস্থ্য মন্ত্ৰণালয়ে জনোৱা অনুসৰি মহাৰাষ্ট্ৰ আৰু দিল্লীত দৈনিক বাঢ়িছে সংক্ৰমণ।
আইপিএলত আজি কাৰ কাৰ খেল?
আজি আইপিএলৰ দুখনকৈ মেচ অনুষ্ঠিত হ’ব। আবেলি ৩ টাৰ পৰা কলকাতা বনাম মুম্বাইৰ খেল আছে। আনহাতে সন্ধিয়া ৭ বজাৰ পৰা আৰম্ভ হ’ব গুজৰাট
বনাম ৰাজস্থানৰ খেল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
