নামনি সোৱণশিৰি জলবিদ্যুৎ প্ৰকল্পত হাহাকাৰ। NHPCয়ে পানী এৰি দিয়াৰ পিছতে চৌদিশে হাহাকাৰ পৰিস্থিতি। জলমগ্ন হৈ পৰিছে লখিমপুৰৰ ইখনৰ পিছত সিখন গাঁও। পানী এৰি দিয়াৰ পিছতে এতিয়া বানৰ কবলত মহাইজানৰ ২০খনৰো অধিক গাঁও।
NHPC-এ জলাধাৰৰ পানীৰ স্তৰ নিয়ন্ত্ৰণৰ উদ্দেশ্যে গেট খুলি দিছে। প্ৰশাসনে নদী পাৰৰ বাসিন্দাসকলক সতৰ্ক হৈ থাকিবলৈ আহ্বান জনাইছে। মহাইজান, ঘাগৰ, এলেঙী, কলাখোৱা, পতিয়া, ফেচুচাপৰি, কুহিমাৰিকে ধৰি বহু গাঁও বানৰ কৱলত।
নৈৰ দাঁতিকাষৰীয়া এলেকাত বাজি উঠিছে চাইৰেন। জিলা প্ৰশাসনে মাছমৰীয়া, নাৱৰীয়া আৰু নদীত বালি-শিল তুলি জীৱিকা নিৰ্বাহ কৰা লোকসকলক বিশেষ সাৱধানতা অৱলম্বন কৰিবলৈ অনুৰোধ জনাইছে। একে সময়তে, অপ্রয়োজনীয়ভাৱে নদীত নামিব নালাগে বুলিও পৰামৰ্শ দিছে।
অস্বাভাৱিক ওফন্দি উঠিছে সোৱনশিৰিৰ জলপৃষ্ঠ। নিশা ১২ বজাৰ পৰা নৈ-পৰীয়া লোক সকলক সতৰ্ক হৈ থাকিবলৈ আহ্বান। চাইৰেন বজাই নৈ পাৰৰ পৰা আঁতৰি আহিবলৈ জনসাধাৰণক আহ্বান জনাইছে প্ৰশাসনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
