পথ দুৰ্ঘটনাত গুৰুতৰ আঘাত পাইছে ক্ৰিকেটাৰ মুছিৰ খানে৷ আজমগড়ৰ পৰা লক্ষ্ণৌ যোৱাৰ পথত তেওঁৰ বাহনে নিয়ন্ত্ৰণ হেৰুৱাই ডিভাইডাৰত ধাক্কা মাৰিছে৷ মুছিৰৰ সৈতে আছিল তেওঁৰ পিতৃ নৌছাদ খানসহ আৰু দুগৰাকী যাত্ৰী৷ প্ৰত্যেকৰেই কমবেছি পৰিমানে আঘাত লাগিছে৷ ইফালে ক্ৰিকেটাৰ মুছিৰৰ মূৰত আঘাত লাগিছে৷ ইয়াৰোপৰি আঁঠুতো আঘাত লাগিছে৷ দ্ৰুতভাৱে তেওঁক হাস্পতাললৈ লৈ যোৱা হয়৷
চিকিৎসকে জনাইছে যে মুছিৰৰ একাধিক হাড় ভাঙিছে৷ মূৰতো আঘাত পাইছে৷ তেওঁ সুস্থ হৈ উঠিবলৈ কমপক্ষেও ১৬ সপ্তাহ সময় লাগিব৷ দেওবাৰে তেওঁক মুম্বাইলৈ এয়াৰ এম্বুলেঞ্চেৰে লৈ যোৱা হ’ব৷ তাতেই তেওঁৰ চিকিৎসা চলিব৷ মুম্বাই ক্ৰিকেট সংস্থাৰ এগৰাকী কৰ্তাই কয়, ‘মুছিৰে ইৰাণি কাপ খেলিব নোৱাৰিব৷ দেওবাৰে মুম্বাইলৈ তেওঁক লৈ অহা হ’ব৷ মুম্বাই ক্ৰিকেট সংস্থা আৰু ভাৰতীয় ক্ৰিকেট বৰ্ডৰ চিকিৎসকে তেওঁক চোৱাচিতা কৰিব৷ বৰ্ডে তেওঁৰ চিকিৎসাৰ যাৱতীয় খৰচ বহন কৰিব৷ শাৰীৰিক পৰীক্ষাসমূহ তেওঁৰ সম্পন্ন কৰাত বৰ্ডেই চিকিৎসাৰ খৰচ বহন কৰিব৷’
উল্লেখ্য আগন্তুক ১ অক্টোবৰৰ পৰা আৰম্ভ হ’ব ইৰানি কাপ৷ মুম্বাইৰ দলত আছিল মুছিৰ৷ সেই মেছ খেলাৰ বাবে লক্ষ্ণৌলৈ গৈছিল ১৯বছৰীয়া এজন বেটাৰ৷ কিন্তু এই পথ দুৰ্ঘটনাৰ বাবে তেওঁ ইৰানি কাপ খেলা নহ’ব৷ আনকি ৰঞ্জি ট্ৰফিৰ পূৰ্বে সুস্থ হ’ব পাৰিব নে নাই তাতো অনিশ্চয়তাই দেখা দিছে৷
১১ অক্টোবৰৰ পৰা আৰম্ভ হৈছে ৰঞ্জি ট্ৰফি৷ তাৰ পূৰ্বে আঘাত পৰীক্ষা কৰিহে সেই কথা স্পষ্ট হ’ব মুছিৰৰ৷ প্ৰথম শ্ৰেণীৰ ক্ৰিকেটত বৰ্তমান পৰ্যন্ত ৯খন মেচ খেলিছে মুছিৰ খানে৷ ৭১৬ ৰান আহিছে তেওঁৰ বেটৰ পৰাই৷ তেওঁ কৰিছে তিনিটাকৈ শতৰান৷
দলীপ ট্ৰফীত ভাৰতৰ বি টিমৰ হৈ প্ৰথম মেচত তেওঁ ১৮১ ৰানৰ ইনিংছৰ নজৰ কাঢ়িছিল৷ মুছিৰৰ ককায়েক ছৰফৰাজ খানে ভাৰতীয় দলত সুযোগ পাইছে৷ বাংলাদেশৰ বিৰুদ্ধে টিম ইণ্ডিয়াত তেওঁ ঠাই পাইছিল৷ কিন্তু প্ৰথম একাদশত তেওঁক ৰখা হোৱা নাছিল৷ মুছিৰ খানৰ ঘটনাই এতিয়া আকৌ এবাৰ ২০২২ চনৰ ডিচেম্বৰ মাহত ঋষভ পন্থৰ পথ দুৰ্ঘটনাৰ স্মৃতি৷ পথ দুৰ্ঘটনাত শৰীৰৰ একাধিক স্থানত আঘাত পাইছিল ঋষভ পন্থে৷ দুৰ্ঘটনাৰ পাছতেই জ্বলি উঠিছিল ঋষভৰ বাহন৷ এই দুৰ্ঘটনাত তেওঁৰ সোঁ আঠুৰ লিগামেণ্ট চিঙি যায়৷ বাওঁ হাতৰ বিভিন্ন স্থানৰ ওপৰিও ভৰিৰ পতাতো তেওঁ দুখ পাইছিল৷ প্ৰায় ডেৰ বছৰ পাছত ঋষভ ২২ গজলৈ উভতিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
