ভয়াৱহ বিদ্যুত সংকটত পৰিছে কিউবা৷ শুকুৰবাৰে সমগ্ৰ দেশ ডুব গৈছে অন্ধকাৰত৷ দ্বীপৰাষ্ট্ৰটিৰ অন্যতম গুৰুত্বপূৰ্ণ শক্তি উৎপাদন কেন্দ্ৰ বিকল হৈ যোৱাত বিদ্যুতৰ তীব্ৰ নাটনিয়ে দেখা দিছে কিউবাত৷ শুকুৰবাৰে সেই দেশৰ বিদ্যুৎ মন্ত্ৰণালয়ে বিষয়টোক লৈ সামাজিক মাধ্যমত দিছে বিশেষ পোষ্ট৷ বিবিচি সূত্ৰৰ খবৰ অনুসৰি দীৰ্ঘদিন ধৰি কিউবাত যেতিয়াই তেতিয়াই ব্লেকআউট হোৱাৰ ঘটনা ঘটি আছিল৷
মাজে মাজে দীৰ্ঘক্ষণ ধৰি বিদ্যুৎ সংযোগ কৰ্তনো হৈ আছিল৷ বৃহস্পতিবাৰে দেশত এনাৰ্জি ইমাৰ্জেন্সি ঘোষণা কৰে কিউবাৰ প্ৰধানমন্ত্ৰীয়ে৷ কিউবাত সৰ্ববৃহৎ পাৱাৰ প্লেন্ট বন্ধ হৈ যোৱাত শুকুৰবাৰে সমগ্ৰ দেশ ব্লেকআউট হৈ যায়৷ কিউবাৰ প্ৰেছিডেণ্টে সামাজিক লিখিছে, ‘পৰিস্থিতি স্বাভাৱিক কৰাৰ কাম চলিছে৷ এএছপিক দিয়া সাক্ষাৎকাৰত কিউবাৰ বিদ্যুৎমন্ত্ৰীয়ে জনাইছে যে প্ৰাথমিকস্তৰত বিদ্যুতৰ অভাৱ দূৰীকৰণৰ পূৰ্ণ চেষ্টা চলি আছে৷ শুকুৰবাৰে শিক্ষা প্ৰতিষ্ঠানতো বিদ্যুৎৰ যোগান ধৰিব নোৱাৰাৰ বাবে বিদ্যালয় বন্ধ ৰাখিব লগাও হৈছিল৷ সকলো শিক্ষা প্ৰতিষ্ঠানত অলাগতিয়াল বিদ্যুৎ সংযোগ বন্ধ ৰাখিবলৈ আহ্বান জনোৱাৰ ওপৰিও বৈদ্যুতিন সামগ্ৰী যেনে ৰেফ্ৰিজাৰেটৰ, মাইক্ৰৱভেন, গ্ৰিজাৰ ব্যৱহাৰ নকৰিবলৈ পৰামৰ্শ দিয়া হৈছে দেশৰ জনতাক৷ বিদ্যুৎ সংকটৰ কাৰণে পেট্ৰল পাম্পো স্তব্ধ হৈ আছে৷ ঔষধ পানীৰো সমস্যাৰ সৃষ্টি হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
