কোন হ’ব পৰৱৰ্তী দালাই লামা, আহি গৈছে সংকেট ! বৰ্তমনাৰ দালাই লামাৰ জন্মদিনৰ দিনাই হ’ব পাৰে ঘোষণা
তিব্বতী বৌদ্ধসকলৰ আধ্যাত্মিক গুৰু তথা মুৰব্বী তথা শান্তি নোবেল বঁটা বিজয়ী দালাই লামাই অহা ৬ জুন তাৰিখে ৯০ বছৰ সম্পূৰ্ণ কৰিব। ইয়াৰ লগে লগে নিৰ্বাচিত হ’ব পৰৱৰ্তী আধ্যাত্মিক মুৰব্বী ১৫ সংখ্যক দালাই লামা।
এই নিৰ্বাচন বহু দেশৰ বাবে আগ্ৰহৰ বিষয়, কাৰণ দালাই লামাক বিশ্বৰ অন্যতম প্ৰভাৱশালী ব্যক্তিত্ব হিচাপে গণ্য কৰা হয়। অৱশ্যে দালাই লামাই ইতিমধ্যে উত্তৰাধিকাৰীৰ বিষয়ে কৈছে যে এইবাৰ চীনদেশৰ বাহিৰৰ পৰা নিৰ্বাচিত হব পৰৱৰ্তী দালাই লামা। ইয়াৰ বাবে আজি ২ জুন তাৰিখৰ পৰা আৰম্ভ হ’ব ধৰ্মীয় অনুষ্ঠান।
তিব্বতী পৰম্পৰা অনুসৰি এজন জ্যেষ্ঠ বৌদ্ধ সন্ন্যাসীৰ মৃত্যুৰ পিছত পুনৰ জন্ম লোৱা বুলি কোৱা হয়, তাৰ পিছত উত্তৰাধিকাৰী বাছনিৰ প্ৰক্ৰিয়া সম্পন্ন কৰা হয়। বাতৰি অনুসৰি দালাই লামাই তেওঁৰ ‘ভইচ ফৰ দ্য ভইচলেছ’ নামৰ কিতাপখনত কৈছিল যে ‘তেওঁৰ উত্তৰাধিকাৰী চীনৰ বাহিৰত জন্ম হ’ব।’
সাধাৰণতে বিশ্বাস কৰা হয় যে প্ৰথম দালাই লামাৰ মৃত্যুৰ পিছতহে দ্বিতীয় দালাই লামাৰ পুনৰ্জন্ম হয়, কিন্তু ২০১১ চনত দালাই লামাই কৈছিল যে ‘মৃত্যুৰ পূৰ্বেই জ্ঞান-প্ৰকাশ প্ৰকাশ পাব পাৰে।’ তেওঁৰ এই বক্তব্যৰ পিছত অনুমান কৰা হৈছিল যে ‘দলাই লামাই হয়তো ইংগিত দিছে যে তেওঁ নিজৰ জীৱনকালতে উত্তৰাধিকাৰী নিৰ্বাচন কৰি প্ৰশিক্ষণ দিব।’
উল্লেখ্য যে, ১৩ সংখ্যক দালাই লামাৰ মৃত্যুৰ পাছত ১৯৩৫ চনৰ ৬ জুলাইত কিংহাই প্ৰদেশত জন্মগ্ৰহণ কৰা লামো ধোণ্ডুপক ১৪ সংখ্যক দালাই লামা হিচাপে নিৰ্বাচন কৰিছিল। ১৯৪০ চনত লামো থণ্ডুপক লাছাৰ পোটালা প্ৰাসাদলৈ স্থানান্তৰ কৰা হয় আৰু তাতেই তেওঁ আনুষ্ঠানিকভাৱে তিব্বতীসকলৰ আধ্যাত্মিক নেতা হিচাপে নিৰ্বাচিত হয় আৰু পৰৱৰ্তী সময়ত সমগ্ৰ বিশ্বতে দালাই লামা হিচাপে পৰিচিত হৈ পৰে। এতিয়া লক্ষ্যনীয় হ’ব পৰৱৰ্তী দালাই লামা কোন হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
