কেন্দ্ৰীয় চৰকাৰৰ অৱসৰপ্ৰাপ্ত একাংশ কৰ্মচাৰী আৰু তেওঁলোকৰ পৰিয়ালক যথেষ্ট সকাহ দিছে কেন্দ্ৰীয় চৰকাৰে। ডিয়াৰনেছ ৰিলিফ (ডি আৰ) বৃদ্ধিৰ কথা ঘোষণা কৰিছে চৰকাৰে। এই সিদ্ধান্ত অৱসৰপ্ৰাপ্ত কৰ্মচাৰী আৰু পৰিয়ালৰ হিতাধিকাৰীৰ ক্ষেত্ৰত প্ৰযোজ্য। ৫ম দৰমহা আয়োগ (5th CPC)ৰ সৈতে জড়িত সকলে ক্ষতিপূৰণ গাঁথনিৰ অধীনত সুবিধা লাভ কৰি আছে।
পেঞ্চন আৰু পেঞ্চনাৰ কল্যাণ বিভাগে (DoP&PW) ২০২৬ চনৰ ২২ মে’ৰ কাৰ্যালয়ৰ মেম’ৰেণ্ডমত এই কথা ঘোষণা কৰিছে। নতুন DR হাৰ ২০২৫ চনৰ ১ জুলাই, আৰু ২০২৬ চনৰ ১ জানুৱাৰীৰ পৰা কাৰ্যকৰী হয়। চৰকাৰী আদেশত ৫ম দৰমহা আয়োগৰ অধীনত মৌলিক এক্স-গ্ৰেটিয়া পেমেণ্ট লাভ কৰা চিপিএফ (কনট্ৰিবিউটৰী প্ৰভিডেণ্ট ফাণ্ড) হিতাধিকাৰীৰ ডিয়াৰনেছ এলাৱেন্স বৃদ্ধি কৰা হ’ব বুলি উল্লেখ কৰে।
কাৰ লাভ হ’ব?
এই বৃদ্ধি পোৱা ডি আৰ সীমিত শ্ৰেণীৰ প্ৰাক্তন চি পি এফ হিতাধিকাৰী আৰু তেওঁলোকৰ যোগ্য পৰিয়ালৰ সদস্যসকলৰ বাবে উপলব্ধ হ’ব। প্ৰথম শ্ৰেণীত ১৯৬০ চনৰ ১৮ নৱেম্বৰৰ পৰা ১৯৮৫ চনৰ ৩১ ডিচেম্বৰৰ ভিতৰত অৱসৰ লোৱা চিপিএফৰ অৱসৰপ্ৰাপ্তসকল অন্তৰ্ভুক্ত কৰা হৈছে আৰু তেওঁলোকে এক্স-গ্ৰেচিয়া পেমেণ্ট লাভ কৰি আছে।
এইসকল লোকৰ বাবে নতুন DR ৰেট তলত দিয়া ধৰণৰ হ’ব।
২০২৫ চনৰ ১ জুলাইৰ পৰা ৪৭৪% ২০২৬ চনৰ ১ জানুৱাৰীৰ পৰা ৪৮৩%
এই বৃদ্ধি সেইসকল হিতাধিকাৰীৰ ক্ষেত্ৰত প্ৰযোজ্য হ’ব, যিসকলে গ্ৰুপ A, B, C আৰু D ৰ কৰ্মচাৰীৰ বাবে ক্ৰমে ৩০০০, ১০০০ টকা, ৭৫০ টকা আৰু ৬৫০ টকা এক্স-গ্ৰেটিয়া লাভ কৰে।
পৰিয়ালৰ লোকেও লাভ কৰিব সুবিধা
দ্বিতীয় শ্ৰেণীত মৃত চিপিএফ কৰ্মচাৰীৰ বিধৱা আৰু নিৰ্ভৰশীল সন্তান অন্তৰ্ভুক্ত। ইয়াৰ ভিতৰত ১৯৮৬ চনৰ ১ জানুৱাৰীৰ পূৰ্বে অৱসৰ লোৱা বা সেৱাত থকাৰ সময়ত মৃত্যু হোৱা কৰ্মচাৰীসকলো অন্তৰ্ভুক্ত। এই হিতাধিকাৰীসকলে বৰ্তমান প্ৰতিমাহে ৬৪৫ টকাৰ সংশোধিত এক্স-গ্ৰেটিয়া লাভ কৰে। এতিয়া, তেওঁলোকে এইটো লাভ কৰিব।
২০২৫ চনৰ ১ জুলাইৰ পৰা ৪৬৬% ডি আৰ ২০২৬ চনৰ ১ জানুৱাৰীৰ পৰা ৪৭৫% ডি আৰ
চৰকাৰে এই কথাও স্পষ্ট কৰি দিছে যে ডি আৰ হিচাপ কৰাৰ সময়ত যদি কোনো ধন দশমিকত দেখা যায় তেন্তে সেই ধন পৰৱৰ্তী গোটেই টকালৈ ৰাউণ্ড কৰি দিয়া হ’ব।
বেংকে DR হিচাপ কৰিব
চৰকাৰৰ মতে, প্ৰতিটো ক্ষেত্ৰতে সঠিক ডি আৰ ৰাশি গণনাৰ দায়িত্ব পেঞ্চন প্ৰদানকাৰী সংস্থা আৰু ৰাজহুৱা খণ্ডৰ বেংকৰ ওপৰত। এই আদেশ বিত্ত মন্ত্ৰালয়ৰ ব্যয় বিভাগৰ অনুমোদনৰ পিছত জাৰি কৰা হৈছে। ভাৰতীয় নিৰীক্ষণ আৰু হিচাপ বিভাগৰ কৰ্মচাৰীৰ ক্ষেত্ৰত ভাৰতৰ নিয়ন্ত্ৰক আৰু মহানিৰীক্ষকৰো পৰামৰ্শ লোৱা হৈছিল। চৰকাৰে স্পষ্ট কৰি দিয়ে যে এই সংশোধিত ডি আৰ কেৱল সেই পুৰণি চি পি এফ হিতাধিকাৰীসকলৰ ক্ষেত্ৰতহে প্ৰযোজ্য হ’ব যিসকলে এতিয়াও ৫ম দৰমহা আয়োগৰ অধীনত সুবিধা লাভ কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
