ইউনিফায়েড পেমেণ্টছ ইণ্টাৰফেচ বা ইউপিআই লেনদেন বিগত কেইবা বছৰ ধৰি খুবেই জনপ্ৰিয় হৈছে দেশত। ইয়াৰ সৈতে ইউপিআই ফ্ৰডো বাঢ়িছে। এই বছৰৰ জুন মাহ পৰ্যন্ত দেশৰ ৰাজধানী দিল্লী আৰক্ষীৰ ওচৰত ২৫ হাজাৰ ৯২৮ টা ইউ পিআই ফ্ৰড সংক্ৰান্তিয় অভিযোগ আহিছে। সমগ্ৰ দেশত এই সংখ্যা নিশ্চিতভাৱে কেইবাগুণো বেছি।
UPI লেনদেন সংক্ৰান্তিয় বিভিন্ন টেকনিক বা UPI ইণ্টাৰফেচ ব্যৱহাৰ কৰা লোকৰ ধন ধন প্ৰতাৰকৰ হাতলৈ যোৱাৰ বহু তথ্য আহিছে আৰক্ষীৰ হাতত। প্ৰতাৰণাৰ ধৰণক লৈয়ো তথ্য প্ৰকাশ কৰিছে আৰক্ষীয়ে। এই ধৰণৰ প্ৰতাৰণাৰ পৰা বাচিবলৈ হলে কি কৰিব সেই কথাও জনাইছে আৰক্ষীয়ে।
কেনেকৈ প্ৰতাৰণা কৰিব পাৰে?
UPIৰ মাধ্যমেৰে প্ৰতাৰণা কৰিবলৈ হলে ফেক স্ক্ৰিণশ্বট ব্যৱহাৰ কৰে প্ৰতাৰকসকলে। ফেক স্ক্ৰিণশ্বট পঠিয়াই কয়, আপোনাৰ UPIত টকা গৈছে। সেই টকা আপুনি উভতাই দিব লাগিব। সেই ধন উভতাই দিবলৈ এটা লিংকো দিয়ে। সেই লিংকত যদি ক্লিক কৰে আপুনি সৰ্বস্বান্ত হৈ পৰিব খাটাং।
আপোনাৰ বন্ধু বা আত্মীয়ক টকাৰ প্ৰয়োজন। এই অচিলাৰেও ধন বিচৰা হয়। অন্য কোনো জৰুৰী পৰিস্থিতিৰ কথা জনাই টকা আত্মসাৎ কৰে প্ৰতাৰকে।
বহু সময়ত পেমেণ্টৰ বাবে ফেক ইউ পি আই কিউআৰ কোড পঠিওৱা হয়। সেই কোড স্কেন কৰিলে কোনো ক্ষতিকৰ ৱেবচাইট খুল খাব পাৰে। যাৰ মাধ্যমেৰে আপোনাৰ ইউপিআইৰ তথ্য হেক হব পাৰে।
স্ক্ৰিণ মনিটৰিং এপৰ মাধ্যমেৰেও আপোনাৰ ইউপিআই সংক্ৰান্তিয় তথ্য চুৰি হব পাৰে। এই ধৰণৰ এপত গোপনে আপোনাৰ এক্টিভিটিজৰ ওপৰত নজৰ ৰাখি থকা হয়। ইউ পি আই পিন, অটিপিৰ দৰে তথ্য চুৰি হব পাৰে।
বহু সময়ত কোনো পেমেণ্টত সহায় কৰাৰ নামতো প্ৰতাৰকে টকা সৰকাই। ইউপিআই এপৰ মাধ্যমেৰে ৰিকুৱেষ্ট পঠিওৱা হয়। সেই লিংকত ধন পঠিয়ালেই আপুনি হেকাৰৰ নজৰত পৰি যাব।
সাৱধানতাৰ বাবে কি কৰিব?
ফেক স্ক্ৰিণশ্বটৰ ওপৰত নিৰ্ভৰ নকৰিব।
জৰুৰী ফাণ্ডৰ বাবে ধনৰ দৰকাৰ হলে বিষয়টো পূৰ্বেই জানি থওক।
কোনো চিক্ৰেট কোড কাৰো আগত প্ৰকাশ নকৰিব।
পৰিচিত ব্যক্তি বা কোনো স্বীকৃত সংস্থাৰহে টকা পঠিওৱাৰ অনুৰোধ গ্ৰহণ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
