অসম লাইভ২৪ঃ ১৯৯২ চনৰ পৰা ইউৰোপৰ বিভিন্ন ক্লাবত খেলি আহিছে ক্ৰিষ্টিয়ানো ৰোনাল্ডোৱে। অৱশেষত কেৰিয়াৰৰ শেষৰ সময়খিনিত এছিয়া ক্লাবত যোগ দিছে ক্ৰিষ্টিয়ানো ৰোনাল্ডোৱে। সম্প্ৰতি ছৌগি আৰৱৰ ক্লাব আল নাছেত যোগ দিছে ৰোনাল্ডোৱে। যোগ দিয়েই ৰোনাল্ডোৱে গঢ়িছে নতুন ৰেকৰ্ড। তেওঁ বৰ্তমান বিশ্বৰ সকলোতকৈ ধনী ক্ৰীড়াবিদ।
ৰোনাল্ডোৱে লাভ কৰা ধনতকৈও বেছি চৰ্চা চলিছে প্ৰেয়সীৰ সৈতে একেলগে ছৌদিত কেনেকৈ থাকিব ৰোনাল্ডো আৰু তেওঁৰ প্ৰেয়সী? কিয়নো ছৌদিত বিবাহৰ পূৰ্বে প্ৰেয়সীৰ সৈতে একেলগে থকাৰ অনুমতি নিদিয়ে ছৌদি চৰকাৰে।
বহুতেই ৰোনাল্ডোৰ বিষয়টোক লৈ ছৌদি চৰকাৰে কি সিদ্ধান্ত ল’ব সেই বিষয়ে জানিবলৈ আগ্ৰহ প্ৰকাশ কৰিছিল। অৱশ্যে শেহতীয়াকৈ ছৌদি চৰকাৰে বিবাহৰ পূৰ্বেই ৰোনাল্ডো আৰু তেওঁৰ প্ৰেয়সীক একেলগে থকাৰ অনুমতি দিছে। ৰোনাল্ডোৰ বাবেই ছৌদি আৰবৰ আইন প্রথমবাৰৰ বাবে শিথিল কৰা হৈছে।
কি আছে ছৌদি আৰৱৰ আইনত?
ছৌদি আৰৱৰ আইনমতে লিভ ইন নিষিদ্ধ ছৌদিত। অৰ্থাৎ বিয়াৰ পূৰ্বে কোনো নাৰী আৰু পুৰুষেই একেলগে কোনো কাৰণতে থাকিব নোৱাৰে। কিন্তু ৰোনাল্ডোৰ ক্ষেত্ৰত আইনৰ শিথিলতা আনিছে ছৌদি চৰকাৰে।
উল্লেখ্য যে ক্ৰিষ্টিয়ানো ৰোনাল্ডো আৰু তেওঁৰ প্ৰেয়সী জৰ্জিনাই বৰ্তমানো আইনী বিবাহ কৰোৱা নাই। ৫ টাকৈ সন্তানো আছে দুয়োৰে। অদূৰ ভৱিষ্যতেও দুয়োৱে বিবাহ নকৰাই বুলি তেওঁলোকে নিজেই বহুসময়ত উল্লেখো কৰি আহিছে। তাৰ মাজতেই ৰোনাল্ডো ছৌদিলৈ যাবলগীয়া হোৱাত প্ৰেয়সী জৰ্জিয়াৰ সৈতে একেলগে থকাটোত প্ৰশ্নও উত্থাপন হৈছিল। এই সন্দৰ্ভত স্পেইনৰ এক সংবাদ মাধ্যমে প্ৰকাশ কৰা মতে, ‘আইন এতিয়াও শিথিল কৰা নাই। দেশৰ জনগণৰ বাবে আজিও সেই আইন আছে। বিদেশৰ পৰা অহা লোকৰ বাবেহে এই আইন প্ৰযোজ্য নহয়। ৰোনাল্ডো ছৌদিৰ নাগৰিক নহয়। গতিকে তেওঁৰ বাবে এই আইন প্ৰযোজ্য নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
