সন্মুখত আনন্দৰ উৎসৱ দীপাৱলি৷ তাৰ পূৰ্বে ধনতেৰাছ উৎসৱ৷ ভূত চতুৰ্দশীৰ ঠিক পূৰ্বে কাতি মাহৰ কৃষ্ণপক্ষৰ ত্ৰয়োদশী তিথিত পালন কৰা হয় ধনতেৰাছ৷ এই দিনত বেছ কিছু সামগ্ৰী ক্ৰয় কৰিবলৈ সমগ্ৰ বছৰ সৌভাগ্যই বিৰাজ কৰিব বুলি শাস্ত্ৰত উল্লেখ আছে৷ বিশেষকৈ সোন, ৰূপৰ দোকানত উপচি পৰিব ভিৰ৷ বৰ্তমান সোনৰ দাম আকাশলংঘী৷ হালধীয়া ধাতুত হাত দিবলৈকে ভয় কৰে এতিয়া সাধাৰণ জনতাই৷ সলনি ধনতেৰাছত কম খৰচত কি কি সামগ্ৰী ক্ৰয় কৰিলে ভাগ্যোদয় হ’ব? জানি থওক সবিশেষ৷
ঝাড়ু
বহুতেই বিশ্বাস কৰে যে ধনতেৰাছৰ দিনা ঘৰত ঝাড়ু অনা উচিত৷ কথিত আছে যে ধনতেৰাছৰ দিনা ঘৰত ঝাঢ়ু আনক সংসাৰত সুখ সমৃদ্ধি দ্বিগুণ হ’ব৷ অলক্ষীক বিদায় দি ঘৰলৈ লক্ষ্মী আহিব৷ প্ৰকৃততে ঝাড়ু পৰিচ্ছন্নতাৰ প্ৰতীক বুলি ধৰা হয়৷ ঘৰ পৰিষ্কাৰ-পৰিচ্ছন্ন হৈ থাকিলেহে লক্ষ্মী দেৱী আহে বুলি বিশ্বাস৷ সেয়ে ঝাড়ু ক্ৰয় কৰাটো শুভ বুলি ধাৰণা কৰা হয়৷
পিতলৰ পাত্ৰ
পিতল হৈছে মা লক্ষ্মীৰ প্ৰিয় ধাতু৷ ইয়াৰোপৰি পিতলৰ ব্যৱহাৰ নানান ধৰণে উপকাৰী৷ সেয়ে ধনতেৰাছৰ দিনা পিতলৰ পাত্ৰ ক্ৰয় কৰা শুভ বুলি ধাৰণা কৰা হয়৷ এই দিনটোত অন্যান্য ধাতুৰ বাচনো কিনিব পাৰে৷
মাটি আৰু ধাতব মূৰ্তি
পাঁচটা উপাদানৰ প্ৰতীক হৈছে মাটিৰ মূৰ্তি৷ সেয়ে মাটিৰ মূৰ্তি দি পূজা কৰিলে ঘৰত ধন, সমৃদ্ধি আৰু সুখ আহে বুলি বিশ্বাস কৰা হয়৷ মাটিৰ মূৰ্তিৰ ওপৰিও ধনতেৰাছত ঘৰত ৮ধাতু আৰু সোন-ৰূপেৰে তৈয়াৰী প্ৰতিমাও আনিব পাৰে৷
পান
মা লক্ষ্মীৰ পান পছন্দৰ৷ সেয়ে ৫খন পান কিনি দেৱীক নিবেদন কৰা শুভ বুলি গণ্য কৰা হয়৷ ইয়াৰোপৰি সমগ্ৰ বছৰ অৰ্থভাগ্য থাকে৷ সুখ সমৃদ্ধি বাঢ়ে৷
ধন
সমগ্ৰ বছৰ দেৱী লক্ষ্মী আৰু ধনকুবেৰৰ আশীৰ্বাদ পাব, ধনতেৰাছত উভয়কে ধন নিবেদন কৰিব পাৰে৷ ইয়াৰ ফলত অৰ্থৰ অভাৱ নহয়৷ দেৱী লক্ষ্মীৰ আশীৰ্বাদ সৰ্বদা বৰ্ষিত হ’ব৷
কড়ি
প্ৰাচীনকালৰ পৰা কড়িক অৰ্থ হিচাপে বিবেচনা কৰি ব্যৱসায় বাণিজ্য কৰিব পাৰে৷ প্ৰকৃততে কড়ি হৈছে সম্পদৰ প্ৰতীক৷ সেয়ে ধনতেৰাছত দেৱী লক্ষ্মীক কড়ি নিবেদন কৰিলে সুফল পোৱা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
