হিন্দু ধৰ্মত ধনতেৰাছ উৎসৱক বিশেষ বুলি কোৱা হয়৷ এই বছৰ ধনতেৰাছ ১৮ অক্টোবৰ শনিবাৰে পালিত হ’ব৷ ধনতেৰাছৰ পৰা আৰম্ভ হয় দীপাৱলি৷ অৰ্থাৎ পাঁচ দিন ধৰি দেৱী লক্ষ্মী, ভগৱান কুবেৰ, ভগৱান ধন্বন্তৰী আৰু দেৱী কালীক আৰাধনা কৰা হয় এই ৫ দিনত৷ জ্যোতিষশাস্ত্ৰ অনুসৰি এইবাৰ ধনতেৰাছৰ দিনাই শনি প্ৰদোস ব্ৰতৰো এক কাকতালীয় সংযোগ পৰিছে৷ যাৰ কাৰণে এই দিনটোত শনিদেৱৰ আশীৰ্বাদ বৰ্তি থাকিব কেইবাটাও ৰাশিৰ ওপৰত৷
জ্যোতিষীৰ মতে ধনতেৰাছেৰে দীপাৱলিৰ আৰম্ভণি হয়৷ এই দিনটোত সোণ আৰু ৰূপৰ গহনা ক্ৰয় কৰা শুভ৷ সনাতন ধৰ্মগ্ৰন্থত কোৱা হৈছে বহু পূৰ্বে সমুদ্ৰ মন্থনৰ সময়ত ভগৱান ধন্বন্তৰীয়ে অমৃতৰ পাত্ৰ লৈ আবিৰ্ভাৱ হৈছিল৷ সেই ধন্বন্তৰীকেই উপাসনা কৰা হয় ধনতেৰাছত৷ এইবাৰ ধনতেৰাছত শনি প্ৰদোষ ব্ৰতৰ মাধ্যমেৰে কোন কোন ৰাশিৰ জাতকৰ শুভ সময় আৰম্ভ হ’ব?
মেষ ৰাশি
ধনতেৰাছত ভাগ্যৰ দুৱাৰ খুলিব৷ শনিৰ আশীৰ্বাদত ৰৈ থকা যিকোনো অৰ্থ পুনৰুদ্ধাৰ কৰিব পাৰিব৷ চাকৰিয়ালৰ পদোন্নতি আৰু দৰমহা বৃদ্ধি পাব পাৰে৷ ব্যৱসায়ীসকলৰ বাবে এই দিনটো শুভ হ’ব৷ বিশেষকৈ যিসকলে লোহা বা যন্ত্ৰপাতিৰ ব্যৱসায় কৰে তেওঁলোকৰ বাবে এই দিনটো খুবেই শুভ৷ এই সময়ত বিনিয়োগৰ পৰাও লাভ হোৱাৰ সম্ভাৱনা আছে৷ পাৰিবাৰিক জীৱনত সুখ আৰু সন্তুষ্টি বৃদ্ধি পাব৷
কন্যা ৰাশি
শনিৰ সংযোগত আৰ্থিক পৰিস্থিতি স্থিতিশীল হ’ব৷ ধনতেৰাছত কোনো পুৰণি পৰিকল্পনা সফল হ’ব পাৰে৷ স্ত্ৰী বা পৰিবাৰৰ কোনো সদস্যৰ পৰা আৰ্থিক সহায়তা আহিব পাৰে৷ যদি নতুন যানবাহন বা সম্পত্তি ক্ৰয়ৰ কথা ভাৱিছে তেন্তে এই সময় অনুকূল৷ ব্যয় নিয়ন্ত্ৰণত ৰাখক আৰু খৰধৰকৈ সিদ্ধান্ত নল’ব৷
তুলা ৰাশি
এই ধনতেৰাছত তুলা ৰাশিৰ জাতকৰৈ শনিয়ে শুভ ফল আনিছে৷ কেৰিয়াৰত অগ্ৰগতিৰ দীগন্ত উন্মোচিত হ’ব এই ধনতেৰাছত৷ নতুন উদ্যোগ আৰম্ভ কৰিব খুজিলে ভাগ্যৰ সহায়তা পাব৷ আৰ্থিক লেনদেনৰ ক্ষেত্ৰত সতৰ্ক থাকক৷ অৰ্থৰ প্ৰবাহৰ বাবে বহু পথ খুলি যাব পাৰে৷ ঘৰত কোনো শুভ ঘটনা ঘটিব পাৰে৷
ধনু ৰাশি
শনিদেৱৰ কৰুণাত আৰ্থিক অৱস্থা শক্তিশালী হ’ব৷ চাকৰিয়ালৰ পদোন্নতি বা বদলিও হ’ব পাৰে৷ পৰিয়ালৰ মাজত সুখ বৃদ্ধি পাব আৰু ধনতেৰাচত কিনা সামগ্ৰীৰ ফলত ইতিবাচক ফলাফল পাব৷ কেৱল অহংকাৰ এৰাই চলক আৰু কঠোৰ পৰিশ্ৰমৰ ওপৰত নিৰ্ভৰ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
