Dhurandhar 2 Advance Booking: অহা ১৯ মাৰ্চত ছবিগৃহত মুক্তি পাব ৰণবীৰ সিঙৰ “ধুৰন্ধৰ ২”। অৱশ্যে মানুহে ছবিখন এদিন আগতে, পেইড প্ৰিভিউৰ জৰিয়তে চোৱাৰ সুযোগ পাইছে। যাৰ বাবে বৰ্তমান অগ্ৰিম বুকিং চলি আছে। ছবিখনক লৈ ইমানেই হুলস্থুল যে প্ৰথম দিনাই সকলোৱে চাব বিচাৰে। যদিও ২য় খণ্ডৰ ৰানটাইমো যথেষ্ট দীঘলীয়া, তথাপিও “ধুৰন্ধৰ ২”ৰ উন্মাদনাই মানুহক চাৰি ঘণ্টালৈকে ছবিগৃহত কটাবলৈ বাধ্য কৰাইছে। এইবাৰ ‘ধুৰন্ধৰ ২’ ৰানটাইম ৩ ঘণ্টা ৫৫ মিনিট। এতিয়া ছবিখনৰ পেইড প্ৰিভিউ আৰু এডভান্স বুকিঙৰ পৰিসংখ্যা প্ৰকাশ পাইছে,যিটো দেখি সকলোৱে আচৰিত হৈ পৰিছে। এই পৰিসংখ্যাবোৰলৈ চালে দেখা যায় যে ছবিখনে ইতিমধ্যে বিশ্বজুৰি ২০০ কোটি টকা উপাৰ্জনৰ পথত আগবাঢ়িছে। আনুমানিক সংখ্যাবোৰ কি সেইটো জানি লওক।
ৰণবীৰ সিং আৰু আদিত্য ধৰৰ ছবি “ধুৰন্ধৰে” বিশ্বজুৰি মুঠ ১,৩০০ কোটি টকা উপাৰ্জন কৰে। কিন্তু এই সংগ্ৰহ পিছলৈ বৃদ্ধি পায়। উপাৰ্জন প্ৰথম অৱস্থাত এই পৰিসংখ্যা যথেষ্ট লেহেমীয়া আছিল। সেই বাবেই ছবিখনে প্ৰথম দিনাই প্ৰায় ২৮ কোটি টকা উপাৰ্জন কৰিছিল। এইবাৰ পৰিবেশ সলনি হৈছে ‘ধুৰন্ধৰ ২’য়ে সকলোৰে দৃষ্টি কাঢ়িছে।
‘ধুৰন্ধৰ ২’ৰ অগ্ৰিম বুকিঙৰ ঢৌ
SACNILC ৰ পৰা পোহৰলৈ আহিছে এই প্ৰতিবেদন। ছবিখনে প্ৰথম দিনাৰ বাবে এডভান্স বুকিংৰ পৰা ২০.৮২ কোটি টকা উপাৰ্জন কৰাৰ বিপৰীতে ব্লক চিটৰ পৰা ২৯.১৮ কোটি টকা উপাৰ্জন কৰিছে। গুজৰাট, কৰ্ণাটক, মহাৰাষ্ট্ৰ, তামিলনাডু, তেলেংগানা, আৰু দিল্লী-এনচিআৰৰ পৰা এই ছবিখনে অতিশয় সঁহাৰি লাভ কৰিছে, ফলত কোটি কোটি টকাৰ ৰাজহ সংগ্ৰহ কৰিছে। ইফালে, পেইড প্ৰিভিউৰ বাবে এডভান্স বুকিঙৰ ক্ষেত্ৰত ছবিখনে ইতিমধ্যে ৪০.৫৪ কোটি টকা সংগ্ৰহ কৰিছে, কিন্তু কেৱল ব্লক চিটেৰে। দৰাচলতে এডভান্স বুকিঙে ২৯.০২ কোটি টকা অতিক্ৰম কৰিছে, ১৫,০০০ৰো অধিক শ্ব’ সামৰি লৈছে আৰু ৪.৭০ লাখৰো অধিক টিকট বিক্ৰী হৈছে।
ইয়াৰ উপৰিও এই সপ্তাহৰ শেষৰ ফালে বিদেশৰ মুঠ প্ৰি-চেলছ প্ৰায় ৬০ কোটি টকা। আচলতে আৰম্ভণি উইণ্ড’ (প্ৰিমিয়াৰ + প্ৰথম দিন)ৰ বাবে মুঠ সংগ্ৰহ ইতিমধ্যে ১৩০ কোটি টকাৰ ওপৰত হৈছে। অৱশ্যে ১৭ মাৰ্চৰ সম্পূৰ্ণ দিন আৰু ১৮ তাৰিখ এতিয়াও আছে। দুদিনত ছবিখনে ১৫০ কোটি টকা অতিক্ৰম কৰাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
