বৰ্তমান বক্স অফিচত ৰাজত্ব চলাই আছে ৰণবীৰ সিঙৰ ছবি ‘ধুৰন্ধৰ ২’ই। ছবিখনত ‘পিণ্ডা’ৰ চৰিত্ৰত অভিনয় কৰা উদয়বীৰ সন্ধুৱে নিশাটোৰ ভিতৰতে দৃষ্টি আকৰ্ষণ কৰে। অৱশ্যে শেহতীয়াকৈ তেওঁ প্ৰকাশ কৰিছে যে প্ৰতিটো শ্বট নিখুঁত কৰিবলৈ অভিনেতাজনে কিমান মানসিক চাপৰ মাজেৰে পাৰ হ’বলগীয়া হৈছিল। উদয়বীৰে কয় যে সেই দৃশ্যৰ শ্বুটিঙৰ সময়ত একেৰাহে তিনিটা নিশা চকু বন্ধ কৰিব পৰা নাছিল।
উদয়বীৰৰ বাবে এই বাথৰুমৰ দৃশ্যটো কেৱল এটা দৃশ্য নাছিল, বৰঞ্চ তেওঁৰ চৰিত্ৰৰ এক টাৰ্নিং পইণ্ট আছিল। অভিনেতাজনৰ মতে বিমানবন্দৰ বা গাড়ীৰ দৃশ্যবোৰ সহজ হ’লেও এই বাথৰুমৰ দৃশ্যটোৱেই আছিল আটাইতকৈ কঠিন। শ্বুটিঙৰ শেষত যেতিয়া তেওঁ পৰিচালক আদিত্য ধৰক সুধিছিল, “ছাৰ, ঠিকেই কৰিলোনে?” পিছে আদিত্যৰ উত্তৰটোৱে তেওঁক হতচকিত কৰি তুলিছিল। পৰিচালকে তেওঁক ক’লে, “আপুনি আজি কি কৰিলে নাজানিব!” পৰিচালকৰ পৰা পোৱা এই প্ৰমাণপত্ৰখনেই আছিল উদয়বীৰৰ আটাইতকৈ ডাঙৰ কৃতিত্ব।
টোপনি নোহোৱাকৈয়ে তিনিদিন শ্বুটিং কটালে অভিনেতাগৰাকীয়ে। প্ৰথম নিশাটো উত্তেজনা আৰু ভয়েৰে মন ভৰি আছিল – ঠিকেই হ’বনে? উদয়বীৰে কয়, “পিণ্ডাৰ চৰিত্ৰটো ড্ৰাগছ আসক্ত, গতিকে তেওঁক অলপ বেলগকৈ দেখুৱাবলগীয়া হৈছিল। আচৰিত কথাটো হ’ল মোৰ অনিদ্ৰাই মোক চৰিত্ৰটোক চিত্ৰিত কৰাত সহায় কৰিছিল। কিন্তু পিছৰ দুটা ৰাতি মই ইচ্ছা কৰিলেও টোপনি যাব পৰা নাছিলো।” ছ’চিয়েল মিডিয়াত হুলস্থুলৰ সৃষ্টি হৈছে যে পিণ্ডাৰ চৰিত্ৰটো আচলতে কুখ্যাত বাস্তৱ জীৱনৰ কুখ্যাত গেংষ্টাৰ হৰবিন্দৰ সিং সন্ধু ওৰফে ৰিণ্ডাৰৰ আৰ্হিত নিৰ্মাণ কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
