ধনতেৰাছৰ এদিন পূৰ্বে সোণৰ মূল্য হ্ৰাস, মিছকল দি জানিব পাৰিব আপোনাৰ চহৰৰ সোণৰ মূল্য
ধনেৰাছত সোণ-ৰূপ ক্ৰয় কৰাটো অতি শুভ বুলি গণ্য কৰা হয়। ধনেৰাছত সোণ ক্ৰয় কৰিলে দেৱী লক্ষ্মীয়ে বছৰটোতে আপোনাৰ ঘৰত বাস কৰে বুলি বিশ্বাস আছে। এইবাৰ ধনেৰাছ ২৯ অক্টোবৰত।
একে সময়তে ধনতেৰাছৰ এদিন পূর্বে ২০২৪ চনৰ ২৮ অক্টোবৰত ভাৰতীয় বুলিয়নৰ বজাৰত সোণৰ মূল্য হ্ৰাস পোৱা গৈছে৷ কিন্তু আজি ৰূপৰ দামৰ কোনো পৰিৱৰ্তন হোৱা নাই।
সোমবাৰে দিল্লীৰ বুলিয়ন বজাৰত সোণৰ মূল্য ৪০০ টকা হ্ৰাস পাই ৮১,১০০ টকা প্ৰতি ১০ গ্ৰামত বন্ধ হৈ পৰে। অল ইণ্ডিয়া বুলিয়ন এছ’চিয়েশ্যনৰ তথ্য অনুসৰি বিদেশী বজাৰত দুৰ্বল ধাৰা থকাৰ বাবেই এই হ্ৰাস ঘটিছে।
শনিবাৰে সোণৰ মূল্য ৯৯.৯ শতাংশ আৰু ৯৯.৫ শতাংশ বিশুদ্ধতাৰ সৰ্বকালৰ সৰ্বোচ্চ মূল্য ক্ৰমে ৮১,৫০০ আৰু ৮১,১০০ টকা প্ৰতি ১০ গ্ৰামত উপনীত হৈছিল। সোমবাৰে ৯৯.৫ শতাংশ বিশুদ্ধতাৰ সোণৰ মূল্য ৪০০ টকা হ্ৰাস পাই প্ৰতি ১০ গ্ৰামত ৮০,৭০০ টকা হয়। ব্যৱসায়ীসকলে কয় যে স্থানীয় বজাৰত জুৱেলাৰী আৰু ষ্টকিষ্টৰ চাহিদাৰ অভাৱ আৰু বিশ্বৰ বজাৰত মন্থৰতাৰ বাবে সোণৰ মূল্য হ্ৰাস পাইছে।
কিন্তু ৰূপৰ মূল্য স্থিৰ হৈ থাকে প্ৰতি কেজিত ৯৯,৫০০ টকা।
মিছড কলৰ জৰিয়তে সোণৰ ৰেট জানিব পাৰে। ইয়াৰ বাবে আপুনি মাত্ৰ এই নম্বৰ 8955664433 ত এটা মিছড কল দিব লাগিব আৰু আপোনাৰ ফোনত এটা মেছেজ আহিব, য’ত আপুনি শেহতীয়া ৰেট পৰীক্ষা কৰিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
