২০ বছৰীয়া যুৱকে দিছিল ছলমান খান আৰু জীশান ছিদ্দিকিক ভাবুকি, অৱশেষত গ্ৰেপ্তাৰ
বলীউডৰ অভিনেতা ছলমান খান আৰু বাবা ছিদ্দিকিৰ পুত্ৰ জীশান ছিদ্দিকীক ভাবুকি দিয়া যুৱকক গ্ৰেপ্তাৰ। ২০ বছৰীয়া এক যুৱকে ভাবুকি দিছিল দুয়োকে।
এই যুৱকেই বান্দ্ৰা ইষ্টৰ জীশান ছিদ্দিকিৰ জনসংযোগ কাৰ্যালয়লৈ ফোন কৰি ভাবুকি দিছিল। শুকুৰবাৰে সন্ধিয়া কৰা হৈছিল এই ভাবুকিমূলক ফোন। এই ফোনত জীশান ছিদ্দিকি আৰু অভিনেতা ছলমান খানক মৃত্যুৰ ভাবুকি দিছিল অচিনাকি ব্যক্তিয়ে।
জিশান ছিদ্দিকিৰ কার্যালয়ৰ কর্মচাৰীয়ে দিয়া এজাহাৰৰ ভিত্তিত অচিনাকি ব্যক্তিৰ বিৰুদ্ধে নিৰ্মলনগৰ থানাত গোচৰ ৰুজু কৰা হয়। এই গোচৰৰ ভিত্তিতে আৰক্ষীয়ে তদন্ত কৰি নয়দাৰ পৰা এজন ২০ বছৰীয়া অভিযুক্তক গ্ৰেপ্তাৰ কৰে। অভিযুক্তৰ নাম গুফৰাণ।
আৰক্ষীৰ সূত্ৰ অনুসৰি প্ৰাথমিক তদন্তত এনে লাগে যে এই ভাবুকিমূলক ফোন কেৱল ধন বিচৰাৰ বাবেহে কৰা হৈছিল। অৱশ্যে আৰক্ষীয়ে এতিয়াও বিষয়টোৰ তদন্ত অব্যাহত ৰাখিছে আৰু বিষয়টো প্ৰতিটো কোণৰ পৰা চোৱা হৈছে।
মহম্মদ টায়াব ওৰফে গুৰফান দিল্লীৰ বাসিন্দা বুলি জানিব পৰা গৈছে। ছেক্টৰ-৩৯ থানা এলেকাৰ পৰা নয়ডাৰ অভিযুক্তক গ্ৰেপ্তাৰ কৰিছে। মুম্বাই আৰক্ষীয়ে গুৰফানক ট্ৰেনজিট ৰিমাণ্ডত লৈছে।
শেহতীয়াকৈ মুম্বাই যান-বাহন আৰক্ষীয়ে ছলমান খানৰ নামত এক ভাবুকি বাৰ্তা লাভ কৰিছিল। এক ভাবুকিপূৰ্ণ বাৰ্তাত অভিনেতা ছলমান খানৰ পৰা ৫ কোটি টকাৰ দাবী কৰিছিল। মুম্বাই যান-বাহন আৰক্ষীৰ হোৱাটছএপ নম্বৰলৈ প্ৰেৰণ কৰা বাৰ্তাত কোৱা হৈছে যে ইয়াক সহজভাৱে লোৱা নাই।
বাৰ্তা টোত কোৱা হৈছিল যে, -যদি ছলমান খানে জীয়াই থাকিব বিচাৰে আৰু লৰেন্স বিষ্ণয়ৰ সৈতে শত্ৰুতা শেষ কৰিব বিচাৰে তেন্তে ৫ কোটি টকা দিব লাগিব। বাৰ্তাটোত আৰু সকীয়াই দিয়া হৈছিল যে যদিহে এই ধন নিদিয়ে তেন্তে ছলমান খানৰ অৱস্থা বাবা ছিদ্দিকীতকৈও বেয়া হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
