অৰ্থনীতিৰ স্নাতক ড’নাল্ড ট্ৰাম্পে কৰাইছিল ৩খনকৈ বিবাহ, পৰিয়ালত এতিয়া কোন কোন !
ড’নাল্ড ট্ৰাম্প পুনৰবাৰ বিশ্বৰ আটাইতকৈ শক্তিশালী দেশ আমেৰিকাৰ ৰাষ্ট্ৰপতি নিৰ্বাচিত হয়। কমলা হেৰিছক পৰাস্ত কৰি ড’নাল্ড ট্ৰাম্পে পুনৰ হোৱাইট হাউছ দখল কৰে। ট্ৰাম্পে ৰিপাব্লিকান পাৰ্টিৰ হৈ নিৰ্বাচনত প্ৰতিদ্বন্দ্বিতা কৰিছিল। দ্বিতীয় বাৰৰ বাবে ৰাষ্ট্ৰপতি নিৰ্বাচিত হয় ট্ৰাম্প।
এগৰাকী প্ৰতিষ্ঠিত ব্যৱসায়ৰ পৰা ৰাজনীতিত প্ৰৱেশ কৰাৰ লগতে বিশ্বৰ অন্যতম শক্তিশালী দেশৰ ৰাষ্ট্ৰপতি হোৱালৈ ট্ৰাম্পৰ জীৱন অতিকে আকৰ্ষণীয়। অৰ্থনীতিৰ স্নাতক ট্ৰম্পে জীৱন কালত বহু টকা উপাৰ্জন কৰিছে। তিনিখনকৈ বিবাৰ বান্ধোনত বান্ধ খোৱা ট্ৰাম্পৰ পৰিয়ালৰ সকলো সদস্যৰ সৈতে অতিকে ভাল সম্পৰ্ক।
নিৰ্বাচনত ট্ৰাম্পক প্ৰচাৰ অভিযানত পৰিয়ালৰ সকলো সদস্য জড়িত আছিল। এনে পৰিস্থিতিত মানুহৰ মনত প্ৰশ্ন উত্থাপন হৈছে যে ড’নাল্ড ট্ৰাম্পৰ পৰিয়ালত কোন কোন আছে।
১৯৪৬ চনত নিউয়ৰ্কৰ কুইন্সত জন্মগ্ৰহণ কৰা ড’নাল্ড ট্ৰাম্প দ্বিতীয়বাৰৰ বাবে আমেৰিকাৰ ৰাষ্ট্ৰপতি হয়। তেওঁৰ সম্পূৰ্ণ নাম ড’নাল্ড জন ট্ৰাম্প। নিউয়ৰ্ক মিলিটাৰী একাডেমীত প্ৰাথমিক শিক্ষা গ্ৰহণ কৰা ট্ৰাম্পে পিছত নিউয়ৰ্ক চহৰৰ ফৰ্ডাম বিশ্ববিদ্যালয়ত অধ্যয়ন কৰে আৰু তাৰ পিছত পেনচিলভেনিয়াৰ ৱাৰ্টন স্কুল অৱ ফাইনেন্সত অৰ্থনীতিৰ শিক্ষা গ্ৰহণ কৰে।
১৯৬৬ চনত অৰ্থনীতি বিষয়ত স্নাতক ডিগ্ৰী লাভ কৰি পিতৃৰ ব্যৱসায়ত যোগদান কৰে। ৰিয়েল ইষ্টেট ব্যৱসায়টোক ট্ৰাম্প অৰ্গেনাইজেশ্যন নামৰ ব্ৰেণ্ড কৰি তোলে।
ড’নাল্ড ট্ৰাম্পৰ বিবাহিত জীৱনৰ কথা কবলৈ গ’লে তেওঁৰ প্ৰথম বিবাহ আছিল ইভানা ট্ৰাম্পৰ সৈতে। যাৰ ফালৰ পৰা ট্ৰাম্পৰ তিনি সন্তান আছিল, যাৰ নাম ড’নাল্ড জুনিয়ৰ, এৰিক আৰু ইভাংকা।
তেওঁৰ দ্বিতীয় বিবাহ আছিল অভিনেত্ৰী আৰু মডেল মাৰ্লা মেপলছৰ সৈতে, যাৰ সৈতে আছে এগৰাকী কন্যা টিফানী ট্ৰাম্প । ট্ৰাম্পৰ তৃতীয় বিবাহ মেলানিয়া ট্ৰাম্পৰ সৈতে হৈছিল, যাৰ সৈতে তেওঁৰ এজন পুত্ৰ আছে, নাম বেৰন।
সন্তানৰ ফালৰ পৰা বৰ্তমানে ডাঙৰ পুত্ৰ ড’নাল্ড জুনিয়ৰক প্ৰায়ে পিতৃৰ সৈতে দেখা যায়। ড’নাল্ড ট্ৰাম্পৰ ৰাজনৈতিক কাম চোৱাচিতা কৰাৰ লগতে পিতৃৰ ব্যৱসায়ো চম্ভালে। ড’নাল্ড ট্ৰাম্পৰ প্ৰথম ৰাষ্ট্ৰপতি কাৰ্যকালত জ্যেষ্ঠ কন্যা ইভাংকা ট্ৰাম্প হোৱাইট হাউছত উপদেষ্টা আছিল, আনহাতে তেওঁৰ স্বামী জেৰেড কুছনাৰ জ্যেষ্ঠ উপদেষ্টা আছিল।
ট্ৰাম্পৰ আন এজন পুত্ৰ এৰিক ট্ৰাম্পেও পিতৃৰ ব্যৱসায় চম্ভালে। টিফানী ট্ৰাম্প এখন বিশ্ববিদ্যালয়ৰ গৱেষণা সহায়িকা আৰু কনিষ্ঠ পুত্ৰ বেৰন ট্ৰাম্প বৰ্তমান অধ্যয়ন কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
