আজি ৪৭ সংখ্যক ৰাষ্ট্ৰপতি হিচাপে শপত ল’ব ডোনাল্ড ট্ৰাম্পে, ভাৰতৰ হৈ উপস্থিত থাকিব দুগৰাকী
আজি ২০ জানুৱাৰী তাৰিখে ড’নাল্ড ট্ৰাম্পে আমেৰিকাৰ ৪৭ সংখ্যক ৰাষ্ট্ৰপতি হিচাপে শপত গ্ৰহণ কৰিবলৈ ওলাইছে। এই ঐতিহাসিক অনুষ্ঠানৰ বাবে সকলো প্ৰস্তুতি ইতিমধ্যে সম্পূৰ্ণ হৈছে। এইবাৰ প্ৰচণ্ড শীতৰ বাবে আমেৰিকাৰ কেপিটেলৰ ৰটাণ্ডাৰ ভিতৰতে শপত গ্ৰহণ অনুষ্ঠান অনুষ্ঠিত হ’ব।
ড’নাল্ড ট্ৰাম্পৰ শপত গ্ৰহণ অনুষ্ঠান আমেৰিকাৰ সময় অনুসৰি দুপৰীয়া ১২ বজাত অনুষ্ঠিত হ’ব। আনহাতে ভাৰতীয় সময় অনুসৰি এই অনুষ্ঠান আৰম্ভ হ’ব নিশা ১০:৩০ বজাৰ পৰা।
মুখ্য ন্যায়াধীশ জন ৰবাৰ্টছে ড’নাল্ড ট্ৰাম্পক শপত গ্ৰহণ কৰিব। উদ্বোধনী অনুষ্ঠানৰ সময়ত ট্ৰাম্পে দুখন বাইবেল ব্যৱহাৰ কৰিব, এখন তেওঁক মাতৃয়ে দিয়া আৰু আনখন লিংকন বাইবেল।
এই শপত গ্ৰহণ অনুষ্ঠানত ভাৰতৰ হৈ উপস্থিত থাকিব ভাৰতৰ বৈদেশিক পৰিক্ৰমা মন্ত্ৰী এছ. জয়শংকৰ আৰু মুকেশ আম্বানী। ইয়াৰ বাহিৰে অতিথি হিচাপে উপস্থিত থাকিব আৰ্জেণ্টিনাৰ ৰাষ্ট্ৰপতি জেভিয়াৰ মিলি, ইটালীৰ প্ৰধানমন্ত্ৰী জৰ্জিয়া মেলোনি, ইলন মাস্ক, জেফ বেজোছ আৰু মাৰ্ক জুকাৰবাৰ্গক অন্তৰ্ভুক্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
