৩ লাখ টকালৈ উঠিল গাধৰ মূল্য, ইয়াৰ প্ৰধান কাৰণ মহিলা
আজিকালি ভাৰতৰ চুবুৰীয়া দেশ পাকিস্তানত গাধৰ বিপুল চাহিদা। এই কাৰণেই দেশখনত আকাশলংঘী হৈছে গাধৰ দাম। এই মূল্যবৃদ্ধিৰ কাৰণ হৈছে পাকিস্তানৰ ঘনিষ্ঠ আৰু বিশেষ বন্ধু চীন। কাৰণ চীনত গাধৰ ছাল চিকিৎসা আৰু বিশেষকৈ মহিলাৰ সৌন্দৰ্য্য চৰ্চাৰ সামগ্ৰীত ব্যৱহাৰ কৰা হয়।
পাকিস্তানী সংবাদ মাধ্যমৰ মতে এটা গাধৰ দাম ৩ লাখ পাকিস্তানী টকা হৈছেগৈ। সামগ্রী কঢ়িয়াই নিয়া এই জীৱ-জন্তুবোৰৰ বাবে তিনি লাখ টকা বৃহৎ পৰিমাণৰ ধন যদিও গাধ গাড়ী চলাই জীৱিকা উপাৰ্জন কৰা লোকসকলৰ বাবে এই দাম এক সমস্যা হিচাপে দেখা দিছে।
আচলতে চীনত গাধৰ ছাল সৌন্দৰ্য চৰ্চাৰ সামগ্ৰী তৈয়াৰ কৰাত ব্যৱহাৰ কৰা হয়। ইয়াৰ লগতে গাধৰ ছাল এজিয়াও নামৰ চীনৰ পৰম্পৰাগত ঔষধ উৎপাদনতো ব্যৱহাৰ কৰা হয়। এই কাৰণেই চীনত প্ৰতি বছৰে লাখ লাখ গাধ হত্যা কৰা হয়।
আজিয়াও হৈছে চীনৰ পৰম্পৰাগত ঔষধ, যিটো গাধৰ ছালৰ পৰা উলিওৱা কলাজেনৰ পৰা তৈয়াৰ কৰা হয়। লগতে বনৌষধি আৰু অন্যান্য সামগ্ৰী মিহলাই বড়ি আৰু তৰল পদাৰ্থৰ ৰূপত সৌন্দৰ্য্য চৰ্চাৰ সামগ্ৰী তৈয়াৰ কৰা হয়।
২০১৩ চনৰ পৰা ২০১৬ চনৰ ভিতৰত আইজিয়াওৰ বাৰ্ষিক উৎপাদন ৩২০০ টনৰ পৰা ৫৬০০ টনলৈ ২০ শতাংশ বৃদ্ধি পাইছে। ২০১৬ চনৰ পৰা ২০২১ চনৰ ভিতৰত ইয়াৰ উৎপাদন ১৬০ শতাংশ বৃদ্ধি পাইছে। ২০২৭ চনৰ ভিতৰত ২০০ শতাংশ বৃদ্ধি পোৱাৰ সকলো সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
