অসম লাইভ ২৪ঃ দৰমহা নহয়, ভিক্ষা বৃত্তিৰে মাহিলী উপাৰ্জন ১৯ লাখ টকা। ভিক্ষাবৃত্তি গ্ৰহণ কৰি বিলাসী জীৱন কটায় ভিক্ষাৰীয়ে। শুনিবলৈ অবিশ্বাস্য যেন লাগিলেও প্ৰকৃততে এয়াই সত্য। এই ঘটনা ডুবাইৰ। ডুবাইত ভিক্ষা মাগি ফুৰা এগৰাকী সন্দেহযুক্ত মহিলাক ডুবাই আৰক্ষীয়ে আটক কৰাৰ পাছতে পোহৰলৈ আহে এক আশ্চৰ্য্যকৰ তথ্য। ভ্ৰমণ ভিছা লৈ ডুবাইত ভিক্ষা মাগি ফুৰা এগৰাকী মহিলাই মাহিলী উপাৰ্জন কৰে ১৯ লাখ টকা পৰ্যন্ত। সম্প্ৰতি মহিলাগৰাকী ডুবাই আৰক্ষীৰ জিম্মাত। এনেদৰে ভ্ৰমণ ভিছা লৈ কোনো ব্যক্তি এনে কামত জড়িত হ’লে আইনমতে দণ্ডনীয়। তথ্যসহ প্ৰমাণ হ’লে উপযুক্ত জৰিমণা বিহা হয় এনে লোকক। উল্লেখ্য, ২০১৮ চনলৈকে এনেদৰে ভিছা লৈ ভিক্ষাবৃত্তিত নমা ২৪৩ গৰাকী ব্যক্তিক ডুবাই আৰক্ষীয়ে গ্ৰেপ্তাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
