পূজা চাবলৈ যোৱাৰ পূৰ্বে জানি লওক পথ নিৰ্দেশনা, কি কি পথত NO ENTRY
দুৰ্গা পূজালৈ আৰু মাথো কেইটামান ঘণ্টা বাকি। ইতিমধ্যে উচৱমুখৰ পৰিৱেশ সকলোফালে। পূজা মণ্ডপৰ ৰঙা-নীলা লাইটেৰে ৰঙীন হৈ পৰিছে গুৱাহাটীমহানগৰী। ৬ অক্টোবৰ দেওবাৰৰ পৰা অধিক ভিৰ দেখা গৈছে গুৱাহাটীৰ বাট-পথ। বজাৰতো বিৰ দি বাট নোপোৱা অৱস্থা।
সেয়ে প্ৰতিবছৰৰ দৰে এইবাৰো গুৱাহাটী মহানগৰীত দুৰ্গা পূজা উপলক্ষে যান-বাহন আৰক্ষীয়ে জাৰি কৰিছে বিশেষ নিৰ্দেশনা। জনসাধাৰণৰ সুৰক্ষা নিশ্চিত কৰাৰ লগতে জৰুৰীকালীন যান-বাহনৰ বাবে মসৃণ যাতায়তৰ সুবিধাৰ বাবে ২০২৪ চনৰ ৯ অক্টোবৰ কাইলৈ বুধবাৰৰ পৰা ১৩ অক্টোবৰ দেওবাৰলৈ যাতায়ত নিষেধাজ্ঞা ঘোষণা কৰা হৈছে।
এই সময়ছোৱাত পুৱা ৪ বজাৰ পৰা দুপৰীয়া ১২ বজাৰ ভিতৰতহে সকলো সামগ্ৰী কঢ়িয়াই নিয়া বাহন মহানগৰীত প্ৰৱেশ কৰিব পাৰিব। দুপৰীয়া ২ বজাৰ পৰা পুৱতি নিশা ২ বজালৈ একাধিক অঞ্চলত প্ৰৱেশৰ ক্ষেত্ৰত বাধা থাকিব।
গণেশ মন্দিৰৰ পৰা গণেশগুৰিৰ ডাঃ আৰ পি ৰোড ৱান ৱে হ’ব । পীৰ আজান ফকিৰ পথ বেলতলা তিনিআলিৰ পৰা জয়ানগৰ চাৰিআলিলৈ ৱান ৱে পাথ হ’ব।
ফটাশিল চাৰিআলি, ৰেলৱে গেট ৬, ৭, ৮, আৰু সতী জয়মতী পথৰ পৰা প্ৰৱেশ নিষিদ্ধ কৰা হ’ব। তদুপৰি পল্টনবজাৰ, ফানবজাৰ, ফটাশিল, ভৰলুমুখৰ পৰা কোনো ধৰণৰ সামগ্ৰী কঢ়িওৱা যান-বাহনৰ অনুমতি দিয়া নহ’ব।
গুৱাহাটীৰ কেইবাটাও অঞ্চলত অতিৰিক্ত যাতায়তত নিষেধাজ্ঞা আৰোপ কৰা হৈছে। পানবজাৰ থানাৰ অধিকাৰক্ষেত্ৰত এম এছ ৰোডৰ পৰা এইচ বি ৰোড বা ৪ নং গেটত যান-বাহন প্ৰৱেশ নিষিদ্ধ।
চান্দমাৰী আৰু গীতানগৰ থানা এলেকাত অনুৰাধা পইণ্টৰ পৰা হাতীগড় চাৰিআলিলৈ প্ৰৱেশ নিষিদ্ধ। নুনমাটি থানা এলেকাত হাতীগড় চাৰিআলিৰ পৰাহে যান-বাহন প্ৰৱেশৰ অনুমতি।
লতাশিল থানা এলেকাত হাইকোৰ্ট পইণ্ট আৰু লতাশিল চাৰিআলিৰ মাজৰ এফ চি ৰোডত যান-বাহনৰ অনুমতি নাই।
চিটি বাছৰ বাবে সংশোধিত পথসমূহ হ’ল- বশিষ্ঠ মন্দিৰৰ পৰা বশিষ্ঠ চাৰিআলি, খানাপাৰা ৰটাৰী, আৰু জি এছ ৰোড হৈ ধাৰাপুৰলৈ। আদাবাৰী বাছ ষ্টেণ্ডৰ পৰা মালিগাঁও কছাৰী, চান্দমাৰী উৰণীয়া সেতু, আৰু চিৰিয়াখানা পথ হৈ লালগনেশলৈ।
https://x.com/GhtyTrafficPol/status/1843576825508966674
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
