মহাভাৰতৰ কুৰুৰাজ দুৰ্যোধন আছিল কৌৰৱ বংশৰ ডাঙৰ লৰা৷ মহাভাৰতৰ প্ৰধান খলনায়কৰ চৰিত্ৰত আমি দুৰ্যোধনক দেখা পাও৷ তেওঁৰ ঔদ্ধত্যৰ কাৰণেই অবিচাৰ সহ্য কৰিব লগা হৈছিল পাণ্ডৱসকলে৷ সেই অন্যায় আৰু অবিচাৰৰ প্ৰতিশোধ ল’বলৈ পাণ্ডৱ আৰু কৌৰৱৰ মাজত কুৰুক্ষেত্ৰৰ ভয়াৱহ যুদ্ধ হৈছিল৷ এই যুদ্ধত দুৰ্যোধনসহ কৌৰৱৰ ১০০ ভাতৃৰেই মৃত্যু হৈছিল৷ সেই কাৰণেই সাধাৰণতে দুৰ্যোধন সম্পৰ্কে আমাৰ সকলোৰে মনত এটা বেয়া ধাৰণা আছে৷ কিন্তু আমাৰ দেশতেই এনে এক স্থান আছে য’ত দুৰ্যোধনৰ পূজা কৰা হয়৷ এই এলেকাটো হৈছে কেৰালাৰ কোল্লাম৷ ইয়াতেই আছে দেশৰ একমাত্ৰ দুৰ্যোধনৰ মন্দিৰ৷ জানি থওক এই মন্দিৰৰ চমকপ্ৰদ কাহিনী৷
দুৰ্যোধনৰ মন্দিৰৰ কাহিনী
কেৰালাৰ কোল্লাম জিলাত অৱস্থিত দুৰ্যোধনৰ মন্দিৰ৷ বিশাল এই মন্দিৰত এতিয়াও নিয়মিত দুৰ্যোধনৰ আৰাধনা কৰা হয়৷ সকলোতকৈ আশ্চৰ্যজনক বিষয় এয়াই যে এই মন্দিৰত এতিয়াও দুৰ্যোধনৰ নামত কৰ জমা দিয়া হয়৷ স্থানীয় মানুহৰ বিশ্বাস যে এবাৰ এই এলেকালৈ গৈছিল দুৰ্যোধন৷ সেই সময়ত তেওঁৰ প্ৰচণ্ড পিয়াহ লাগিছিল৷ কিন্তু ক’তো কোনো জলাশয় তেওঁ দেখা নাপালে৷ তেতিয়াই তেওঁৰ সৈতে এক দলিত মহিলাৰ দেখা হয়৷ সেই মহিলাৰ পৰা পানী বিচাৰে দুৰ্যোধনে৷ কিন্তু সেই মহিলাই তেওঁক কয় যে তেওঁৰ ওচৰত পানী নাই, তেওঁৰ কাষত সুৰাহে আছে৷ কিন্তু নিম্নবৰ্গৰ সুৰা ৰাজপুত্ৰ দুৰ্যোধনক দিবলৈ অস্বস্তিবোধো কৰে মহিলাগৰাকীয়ে৷ দুৰ্যোধনে সেই সুৰা পান কৰি তৃপ্ত হয়৷ তেওঁ সেই মহিলাক আশীৰ্বাদ কৰি কিছু মাটি দান কৰে৷ লগতে দলিত মহিলাক ৰক্ষা কৰাৰ প্ৰতিশ্ৰুতি দিয়ে৷
এই ঘটনাৰ পাছতেই গাওঁখনত দুৰ্যোধনৰ নামত এটা মন্দিৰ প্ৰতিষ্ঠা কৰে গাওঁবাসীয়ে৷ এতিয়াও সেই মন্দিৰত দুৰ্যোধনৰ আৰাধনা কৰা হয়৷ দুৰ্যোধনেই হৈছে সেই গাওঁৰ ৰক্ষাকৰ্তা৷ গাওঁবাসীৰ বাবে ঈশ্বৰ৷ দুৰ্যোধনৰ কোনো মূৰ্তি সেই মন্দিৰত নাই৷ কেৱল তেওঁৰ অস্ত্ৰ গদাৰ পুজা কৰা হয়৷ গদা যুদ্ধত অপৰাজেয় আছিল দুৰ্যোধন৷ মৰমেৰে গাওঁবাসীয়ে তেওঁ আপুৱা বুলি মাতে৷ আপুৱা শব্দৰ অৰ্থ দাদু৷
এতিয়াও দুৰ্যোধনত সেই সুৰা নিবেদন কৰা হয়, স্থানীয় যি সুৰা পান কৰি তৃপ্ত হৈছিল দুৰ্যোধন৷ কেৰালাৰ কোল্লামত অৱস্থিত এই দুৰ্যোধন মন্দিৰৰ নাম পোৰুভাঝি পেৰুভিৰুথি মলানদা৷ সাধাৰণভাৱে মলানদা মন্দিৰ নামেৰে পৰিচিত৷ এই মন্দিৰৰ পৰা চৰকাৰক যি টেক্স দিয়া হয় তাৰ ৰছিদ আজিও দুৰ্যোধনৰ নামতেই কটা হয়৷ প্ৰকৃততে মন্দিৰ যেতিয়া তৈয়াৰ কৰাৰ বাবে মাটি ৰেজিষ্ট্ৰি কৰা হয় তেতিয়াও সেয়া দুৰ্যোধনৰ নামতেই কৰা হৈছিল৷ সেই মন্দিৰৰ পৰা যি টেক্স দিয়া হয় তাৰ ৰছিদ কটা হয় দুৰ্যোধনৰ নামত৷ এই মন্দিৰত আছে মুঠ ১৫ একৰ মাটি৷ ইয়াৰ মাজৰে ৮একৰ মাটিত ধানৰ খেতি কৰা হয় আৰু বাকী মাটিত বিভিন্ন মূ্ল্যবান গছ আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
