অসম লাইভ ২৪ঃ ৰাণী, সম্প্ৰতি চৰ্চাৰ অন্য এক নাম। ৰাণীৰ সৈতে ফটো ল’বলৈ মানুহৰ ভিৰ। এক কথাত আকৰ্ষণৰ কেন্দ্ৰবিন্দু হৈ উঠিছে বাংলাদেশৰ ২৩ মহীয়া ৰাণী। ৫১ চেণ্টিমিটাৰ উচ্চতাৰ ৰাণীৰ ওজন ২৮ কেজি। বিগত বৰ্ষৰ লকডাউনৰ সময়তে অন্য এখন ফাৰ্মৰ পৰা ঢাকালৈ অনা হৈছিল ৰাণীক। লকডাউনৰ মাজতো ৰাণীক চাবলৈ ১৫ হাজাৰ লোকে ঢাপলি মেলিছিল ঢাকাৰ সমীপৰ চাৰিগ্ৰামলৈ। বাংলাদেশত চৰ্চাৰ কেন্দ্ৰবিন্দু হৈ পৰা ৰাণী এটি গৰু পোৱালি। ৰাণী থকা ফাৰ্মখনৰ স্বত্বাধিকাৰীৰ দাবী ৰাণী বিশ্বৰ সবাতোকৈ সৰু গৰু। গীনিজ বুক অৱ ৰেকৰ্ডত ৰাণীৰ নাম অন্তৰ্ভুক্তিৰ বাবেও স্বত্বাধিকাৰী হাছান হাওলাদাৰে আৱেদন জনাইছে। হাছান হাওলাদাৰৰ মতে, চলিত বৰ্ষতেই ৰাণীক চাবলৈ ফাৰ্মলৈ আহিব ‘গীনিজ বুক অৱ ৰেকৰ্ড’ কৰ্তৃপক্ষ। ৰাণী হৈছে ভূট্টীজ শ্ৰেণীৰ গৰু। এতিয়া ‘ছ’চিয়েল মিডিয়া ষ্টাৰ’লৈ ৰূপান্তৰ হৈছে ৰাণী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
