অসম লাইভ২৪ঃ হাঁপানী বা এজমাৰ সমস্যা শীতকালতেই বৃদ্ধি পায়৷ এজমাৰ সমস্যা বহুলোকৰেই আছে৷ কেৱল শীতকালতেই এই সমস্যাত ভূগিব তেনে নহয়৷ এজমা থকা ব্যক্তিৰ যিকোনো সময়তে এই ৰোগ বৃদ্ধি পাব পাৰে৷ হাঁপানিত আক্ৰান্ত হোৱা বাবেই বহুতে শৰীৰচৰ্চাও কৰিব নোৱাৰে৷ ব্যায়াম কৰিলে এই ৰোগ বাঢ়ি যাব বুলিয়েই বহুতে শৰীৰচৰ্চা কৰাৰ পৰা আঁতৰি থাকে৷ কিন্তু এই ধাৰণা সম্পূৰ্ণ সঠিক নহয়৷ চিকিৎসকৰ মতে হাঁপানিৰ সমস্যা থাকিলে সকলোধৰণৰ শৰীৰচৰ্চাই বাদ দিব তেনে নহয়৷ বিশেষকেইটামান ব্যায়াম নিয়মিতভাৱে কৰিলে শৰীৰৰ উপকাৰহে হয়৷ শৰীৰচৰ্চা কৰিলে কেৱল হাঁপানি নহয় হাওঁফাওঁৰ সংক্ৰমনৰ আক্ৰমণো কমি যোৱাৰ সম্ভাৱনা থাকে৷
হাঁপানী থাকিলে শৰীৰচৰ্চা কৰিব পাৰিবই৷ কিন্তু কেনেকৈ শৰীৰচৰ্চা কৰিব সেয়াহে গুৰুত্বপূৰ্ণ৷ দৌৰা, বাস্কেটবল খেল, ভাৰোত্তোলন আদি হাঁপানী থকা মানুহে নকৰাটোৱেই ভাল৷ হাঁপানি ৰোগীয়ে কেনেকৈ শৰীৰচৰ্চা কৰিব চিকিৎসকে দিছে বিশেষ উপায়৷ চাইকেল চলোৱা, সাঁতোৰা, যোগাসন কৰা আদি হাঁপানী ৰোগীয়ে কৰিব পাৰে৷ শৰীৰচৰ্চা কৰাৰ সময়ত কোনো উপসৰ্গই দেখা দিলে লগে লগেই চিকিৎসকৰ পৰামৰ্শ লোৱাটো অতি জৰুৰী৷ শ্বাস-প্ৰশ্বাসজনিত সমস্যা, বেছি পৰিমানে ঘাম ওলোৱা, কাঁহ, বুকুৰ বিষ আদি হৈ থাকিলে শৰীৰচৰ্চা কৰিব নালাগে৷ সেই সময়ছোৱাত বিশ্ৰাম লোৱাটো অতি জৰুৰী৷ হাঁপানীত আক্ৰান্তসকলে বেছি কাম কৰাৰ পৰা বিৰত থাকিব লাগে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
