Facebook Down: আজি ফেচবুক ব্যৱহাৰ কৰাত সকলোৱে অসুবিধাৰ সন্মুখীন হৈছে। বিশ্বৰ হাজাৰ হাজাৰ ব্যৱহাৰকাৰীয়ে লগইন আৰু ৱেবছাইটৰ সমস্যাৰ কথা জনায়। যদি আপোনাৰ ফেচবুক ভালদৰে কাম কৰা নাই তেন্তে আপুনি এই সমস্যাত যুঁজা অকলশৰীয়া ব্যক্তি নহয়। বিশ্বৰ হাজাৰ হাজাৰ ব্যৱহাৰকাৰীয়ে ফেচবুকত লগ ইন কৰা, ৱেবছাইট খোলা, এপটো ব্যৱহাৰ কৰাত সমস্যাৰ সন্মুখীন হোৱা বুলি জনাইছে।
হঠাতে ফেচবুকক লৈ ব্যৱহাৰীৰ ক্ষোভ তীব্ৰভাৱে হ’বলৈ ধৰিছে। ব্যৱহাৰকাৰীসকলেও ছ’চিয়েল মিডিয়াৰ এই প্লেটফৰ্ম ব্যৱহাৰ কৰাত হোৱা অসুবিধাৰ বিষয়ে বিভিন্ন মাধ্যমত পোষ্ট কৰিছে।
ব্যৱহাৰকাৰীসকলৰ মতে বিভিন্ন লোকে বিভিন্ন সমস্যাৰ সন্মুখীন হৈছে। কিছুমানে ফেচবুকত লগ ইন কৰিব পৰা নাই, আনহাতে কিছুমানে ৱেবছাইট বা এপটোৰ সৈতে সমস্যাৰ সন্মুখীন হৈছে। বহুতে ৰিপৰ্ট কৰিছে যে তেওঁলোকৰ নিউজ ফিড আপডেট হোৱা নাই।
ইনষ্টাগ্ৰামো হৈছে ডাউন
কেৱল ফেচবুকেই নহয়, ইনষ্টাগ্ৰামো হৈ পৰিছে ডাউন। বহুলোকে ৰীল চোৱাৰ বাহিৰে কোনো পোষ্ট সামাজিক মাধ্যমত আপলোড কৰিব পৰা নাই।
DownDetector ৰ ওপৰত অভিযোগ বৃদ্ধি পালে
আউটেজ ট্ৰেকিং ৱেবছাইট DownDetector ৰে ফেচবুক সম্পৰ্কীয় অভিযোগ হঠাতে বৃদ্ধি পোৱাৰ বাতৰি প্ৰকাশ কৰে। প্ৰতিবেদন অনুসৰি এই সমস্যাসমূহ আমেৰিকাৰ সময় অনুসৰি পুৱা ৩:৩৪ বজাৰ ওচৰত আৰম্ভ হৈছিল।
মেটা(Meta)ই কি ক’লে?
বাতৰি লিখাৰ সময়লৈকে মেটাৰ ফালৰ পৰা এই সন্দৰ্ভত কোনো আনুষ্ঠানিক বিবৃতি প্ৰকাশ কৰা নাই। এনে ক্ষেত্ৰত কোম্পানীটোৱে সাধাৰণতে বিষয়টোৰ চালি-জাৰি চাই তদন্ত কৰাৰ পিছতহে তথ্য প্ৰকাশ কৰে।
উল্লেখ্য যে, লেপটপ-কম্পিউটাৰত সকলোৰে সমস্যা হৈছে। অৱশ্যে বহুলোকৰ মোবাইলত ফেচবুক চলি আছে, কিন্তু একাংশৰ ফটো বা ভিডিঅ’ আপলোড কৰাত অসুবিধাৰ সন্মুখীন হৈছে।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
