প্ৰাচীনকালৰে পৰাই গ্ৰহ নক্ষত্ৰৰ অৱস্থান বিচাৰ কৰি ভাগ্যলিপিৰ ভাল বেয়া সকলো দিশ জনাই জ্যোতিষশাস্ত্ৰই৷ প্ৰচলিত বিশ্বাস অনুসৰি নৱগ্ৰহৰ অৱস্থান ইফাল সিফাল হলেই তাৰ প্ৰভাৱ পৰে মানুহৰ জীৱনত৷ সেই গ্ৰহ নক্ষত্ৰৰ বিচাৰ কৰিয়েই এইবাৰ ভয়ংকৰ ভৱিষ্যৎ বাণী কৰিছে চেলিব্ৰিটি জ্যোতিষী বিনোদ কুমাৰে? কি কৈছে বিনোদ কুমাৰে?
সাম্প্ৰতিক ভৱিষ্যদ্বাণীত বিনোদ কুমাৰে জনাইছে যে আগন্তুক ৭ৰ পৰা ২১ ছেপ্টেম্বৰত প্ৰাকৃতিক বিপৰ্যয় আহিব উত্তৰ ভাৰতত৷ এই পক্ষকালক স্পৰ্শকাতৰ আখ্যা দিছে জ্যোতিষীয়ে৷ তেওঁৰ দাবী, এই সময়ত গ্ৰহৰ অৱস্থান ইমানেই বিচিত্ৰ থাকিব যাৰ ফলত সলনি হব পাৰে পৰিবেশ৷ এই গুৰুত্বপূৰ্ণ সন্ধিক্ষণত গ্ৰহৰাজ শনিয়ে প্ৰৱেশ কৰিব মীন ৰাশিত৷ মনত ৰাখিব মীন হৈছে পানীৰ ৰাশি৷ আকৌ চন্দ্ৰৰ গোচৰৰ প্ৰভাৱত অতিৰিক্ত বৃষ্টি হোৱাৰো সম্ভাৱনা প্ৰৱল৷ সকলোতকৈ ভয়ৰ বিষয় হৈছে ৰাহু আৰু কেতুৰ অক্ষ৷ এই অক্ষৰ প্ৰভাৱত জলপ্ৰলয়, ডাৱৰ বিস্ফোৰণ, ধুমুহাৰ দৰে প্ৰাকৃতিক বিপৰ্যয় নামিব পাৰে৷ জ্যোতিষীৰ দাবী যে ৭ৰ পৰা ১০ ছেপ্টেম্বৰ সকলোতকৈ ভয়ংকৰ সময়৷ পূৰ্ণিমাক কেন্দ্ৰ কৰি মাৰাত্মক বৃষ্টি হব পাৰে এই সময়ত৷ ইয়াৰোপৰি ১৫ৰ পৰা ২১ ছেপ্টেম্বৰৰ ভিতৰত ঘটিব পাৰে বৃহৎ কোনো প্ৰাকৃতিক বিপৰ্যয়৷ এই মহাজাগতিক ঘটনাৰ প্ৰভাৱত কি কি ঘটিব পাৰে?
- নদীৰ জলস্তৰ হঠাৎ বাঢ়ি যাব পাৰে৷ বিশেষকৈ গংগা, যমুনা আৰু ব্ৰহ্মপুত্ৰ আৰু নৰ্মদাৰ জলস্তৰ হঠাৎ বৃদ্ধি পাব পাৰে৷
- বানৰ কৱলত পৰিব পাৰে বহু এলেকা৷ চহৰ, গাওঁ নিৰ্বিশেষে বিভিন্ন স্থান বানপৰিস্থিতি ভয়াৱহ হৈ পৰিব পাৰে৷
- বজ্ৰপাত আৰু অতিবৃষ্টি হব পাৰে বহু এলেকাত৷ ধুমুহাৰো আশংকা আছে৷
- ভূমিস্খলনৰো আশংকা আছে৷ বিশেষকৈ উত্তৰাখণ্ড, হিমাচল প্ৰদেশ, অসম, মেঘালয় আৰু পঞ্জাৱত ভূমিস্খলনৰ ঘটনা ঘটিব পাৰে৷
- ৰোগ বাঢ়ি যোৱাৰো আশংকা আছে৷ ডেংগি, মেলেৰিয়া আৰু টাইফয়েডৰ দৰে ৰোগৰো প্ৰাদুৰ্ভাৱে দেখা দিব পাৰে৷
জ্যোতিষীয়ে জনাইছে যে ২৫ অক্টোবৰৰ পাছত ধীৰে ধীৰে কমিব প্ৰাকৃতিক দুৰ্যোগ৷ ক্ৰমশ পৰিষ্কাৰ হব আকাশ৷ অক্টোবৰৰ আৰম্ভণিতে শৰতৰ আগমনত মনোৰম হৈ উঠিব প্ৰকৃতি৷ জ্যোতিষীয়ে কৰা এই ভৱিষ্যদ্বাণী ইতিমধ্যেই ভাইৰেল হৈ পৰিছে নেটমাধ্যমত৷ ইনষ্টাগ্ৰামত এই ভৱিষ্যদ্বাণী লাইক কৰিছে প্ৰায় ৪০ হাজাৰ মানুহে৷ বহুতেই এই ভৱিষ্যদ্বাণীক লৈ জ্যোতিষী বিনোদ কুমাৰক সমালোচনা কৰাও পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
