নিৰ্দয় পিতৃ, জন্ম হোৱাৰ পাছতে দুই যমজ কন্যা সন্তানক লৈ গৈ কৰিলে এনে কাম, আৰক্ষীয়ে ৭টা দল গঠন কৰি সন্ধানত নামি পৰিছে
কন্যা সন্তান কন্যা সন্তান বুলি হাবাথুৰি খোৱা বহু পিতৃৰ বিপৰীতে এগৰাকী এনে পিতৃৰ খবৰ পোহৰলৈ আহিছে, যাৰ বিষয়ে শুনাৰ পাছত খঙতে উতলি উঠিলে বহু লোকৰ হৃদয়। একেলগে হত্যা কৰিলে দুই যমজ কন্যা সন্তানক।
ৰাজধানী দিল্লীত সংঘটিত হৈছে এই অতিকে নিকৃষ্ট তথা আধুনিক মানৱ সমাজক ভেঙুচালি কৰা খবৰ। এখন চিকিৎসালয়ত এগৰাকী মহিলাই জন্ম দিলে যমজ কন্যাসন্তান। কিন্তু স্বামী আৰু স্বামীৰ পৰিয়াল এই কথাত অসন্তুষ্ট হৈ পৰে।
দুয়োটি সন্তান কন্যা হোৱাত পিতৃ ইমানেই নিষ্ঠুৰ হৈ পৰে যে দুয়োটি কন্যা সন্তানকে চিকিৎসালয়ৰ পৰা ওলাই অহাৰ পাছতে ঘৰ গৈ নাপাওতেই বাটতে হত্যা কৰি তাৰ পিছত সমাধিস্থ কৰি ঘৰলৈ যায়। আৰক্ষীয়েও সমগ্ৰ ঘটনা জানিব পাৰি হতবাক হৈ পৰে।
এই খঙে মূৰৰ চুলিত উঠা কাণ্ড সংঘটিত হৈছে ৰাজধানী দিল্লীৰ পুন্থ কলা গাঁৱত। আৰক্ষীৰ তথ্য অনুসৰি হাৰিয়ানাৰ ৰোহটকৰ ছেক্টৰ-৩৬ত অৱস্থিত এখন চিকিৎসালয়ত বিগত ৩০ মে’ত পূজা সোলংকী নামৰ এগৰাকী মহিলাই যমজ কন্যা সন্তান জন্ম দিছিল। পূজাই কয় যে তেওঁৰ স্বামী নীৰজ সোলংকী আৰু শহুৰৰ ঘৰে ছোৱালী জন্ম দিয়াত অসন্তুষ্ট হৈছিল।
যিদিনা হাস্পতালৰ পৰা ঘৰলৈ যাব দিছিল, সেইদিনা নীৰজ আৰু পৰিয়ালৰ লোকে চিকিৎসালয়ত উপস্থিত হৈ সন্তান দুটিক লৈ যায় আৰু পূজাক আন এখন গাড়ীত তেওঁলোকৰ পিছে পিছে যাবলৈ কয়। পাছে মাজ বাটতে পথ সলনি কৰি নীৰজে আন ঠাইলৈ গুচি যায়।
পূজাৰ ভাতৃ জুগ্নু খাত্ৰীয়ে যেতিয়া নীৰজৰ সৈতে যোগাযোগ কৰে তেতিয়া কোনো সঁহাৰি লাভ নকৰে। পিছত খাত্ৰীয়ে গম পাই যে পূজাৰ শহুৰৰ ঘৰে কন্যা সন্তান দুটিক হত্যা কৰি দিল্লীৰ চুলতানপুৰী অঞ্চলত পুতি থয়।
দিল্লী আৰক্ষীৰ এটা দলে অঞ্চলটোৰ পৰা সন্তান দুটিৰ মৃতদেহ উলিয়াই আনে। ইতিমধ্যে নীৰজৰ পিতৃ বিজেন্দ্ৰ সোলংকীক গ্ৰেপ্তাৰ কৰা হৈছে। পাছে পলাতক অৱস্থাত নীৰজ। আৰক্ষীয়ে বৰ্তমানে ৭টা দল গঠন কৰি নীৰজ আৰু পৰিয়ালৰ অন্যান্য সদস্য সকলৰ সন্ধানত নামি পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
