নিশাটো পাৰ হ’লেই বাজেট৷ বিত্তমন্ত্ৰী নিৰ্মলা সীতাৰমণে পেছ কৰিব ইউনিয়ন বাজেট ২০২৬-২৭৷ এইবাৰক লৈ নৱমবাৰৰ বাবে বাজেট পেছ কৰিব বিত্তমন্ত্ৰী নিৰ্মলা সীতাৰমণে৷ বাজেটৰ দিশত নজৰ ৰাখিছে সমগ্ৰ দেশৰ জনতাই৷ বিগত বৰ্ষৰ বাজেটত আয়কৰ ৰেহাই দিছিল চৰকাৰে৷ মধ্যবিত্তৰ বাজেট বুলিও দাবী কৰিছিল কেন্দ্ৰীয় চৰকাৰে৷ কিন্তু এই বছৰ কি হ’ব?
অৰ্থনীতিবিদে কৈছে যে চৰকাৰৰ লক্ষ্য আৰ্থিক স্থিতি বৃদ্ধি কৰা৷ কৰ কাঠামোৰ পৰিমিত উন্নয়ন আৰু ডাঙৰ প্ৰকল্পসমূহত বিনিয়োগ বঢ়োৱা৷ এই ৩ বিষয়ক মূৰত ৰাখিয়েই এইবাৰৰ বাজেট৷ কিন্তু জ্যোতিষশাস্ত্ৰই কি কৈছে বাজেটক লৈ? কেনে হ’ব বাজেট?
জ্যোতিষশাস্ত্ৰৰ বিচাৰত বাজেট পেছ কৰাৰ দিন আৰু গ্ৰহৰ অৱস্থানে গুৰুত্বপূৰ্ণ ইংগিত দিয়ে৷ কাইলৈ অৰ্থাৎ দেওবাৰে সূৰ্য, শনি, মঙ্গল, বুধ আৰু শুক্ৰ গ্ৰহৰ সংযোগে বিশেষ প্ৰভাৱ পেলাব পাৰে৷ সূৰ্য নেতৃত্ব, শক্তি আৰু চৰকাৰৰ ক্ষমতাৰ প্ৰতীক৷ শনিয়ে কঠিন পৰিশ্ৰম, নিয়ম আৰু ধৈৰ্য্যৰ কথা কয়৷ মঙ্গলে প্ৰযুক্তি, উন্নয়ন পৰিকাঠামো আৰু কামৰ প্ৰতি আগ্ৰহ বৃদ্ধি কৰে৷ বুধে বাজেটৰ দিনা বাণিজ্য, যোগাযোগ, শিক্ষা আৰু পণ্যমূল্যৰ দিশতো ইংগিত দিয়ে৷
এই সকলো গ্ৰহৰ সংযোগৰ ইংগিত সাধাৰণভাৱে বাজেটত সামঞ্জস্যপূৰ্ণ, কাৰ্যকৰ আৰু বাস্তৱসন্মত হ’ব বুলিয়েই আশা৷ জ্যোতিষ গণনাই কৈছে ২০২৬ চনৰ বাজেটত জনসাধাৰণৰ বাবে ভাৰসাম্যপূৰ্ণ হ’ব পাৰে৷ কিছু ক্ষেত্ৰত মূল্যবৃদ্ধিৰো সম্ভাৱনা নুই কৰিব নোৱাৰি৷ তথ্যপ্ৰযুক্তি, ফাৰ্মা, অটো, বেংকিং ছেক্টৰত বিশেষকৈ নজৰ দিয়া হব পাৰে৷
জ্যোতিষমতে চৰকাৰে বাজেট প্ৰস্তুত কৰাৰ সময়ত বাস্তৱত আৰ্থিক পৰিস্থিতি আৰু নীতি-নিৰ্ধাৰণত সতৰ্কতা অৱলম্বন কৰিব বিচাৰিব৷ কৰৰ কাঠামো খুব বেছি পৰিবৰ্তন নকৰি বিনিয়োগ, অৱকাঠামো, স্বাস্থ্য আদিত গুৰুত্ব দিব পাৰে৷ প্ৰশাসনিক দৃঢ়তা আৰু বেলেন্স বজাই ৰখাৰ চেষ্টা কৰা হব৷ সমাজৰ বিস্তৃত স্তৰ, মধ্যবিত্ত, ব্যৱসায়ী, কৃষক আৰু সাধাৰণ মানুহ উপকৃত হব পাৰে৷ কিছু ক্ষেত্ৰত মূল্যবৃদ্ধি বা বিশেষ কিছু নীতি গ্ৰহণৰ বাবে চাপ থাকিব পাৰে৷ বাজেট পূৰ্ণ ত্ৰুটিমুক্ত হ’ব বুলি ক’ব নোৱাৰি৷ সৰ্বস্তৰক সুখী কৰিব পাৰিব সেই সম্ভাৱনা কম৷ বাকী কাইলৈ সঠিকভাৱে জানিব পাৰিব আপুনি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
