অভিনেতাৰ পৰা নেতা হ’ল থালাপতি বিজয়৷ বহুতেই তেওঁ ৰাজনীতিত খোজ দিয়া বুলি হাঁহিছিল থালাপতি বিজয়ক৷ সুন্দৰ কেৰিয়াৰ এৰি এনে কণ্টকময় বাটত ভৰি দিয়াটোক বহুতে সমালোচনা কৰিছিল৷ কিন্তু প্ৰথম নিৰ্বাচনতেই শক্তি দেখুৱাই দিলে থালাপতি বিজয়ে৷ তামিলনাডু বিধানসভা নিৰ্বাচনত বিপুল আসনত জয়ী হৈছে থালাপতি বিজয়ৰ পাৰ্টী৷ এতিয়া কেৱল চৰকাৰ গঠনৰহে প্ৰতীক্ষাত আছে সকলো৷ আৰু তাৰ পূৰ্বেই আকৌ চৰ্চাত আহিছে দক্ষিণী ছুপাৰষ্টাৰৰ সম্পত্তিৰ পৰিমাণ৷ নিৰ্বাচনী হলফনামা অনুসৰি কেইবাশ কোটি টকাৰ সম্পত্তি বিজয়ৰ৷ বেংক ডিপোজিট, বিলাসী বাহনৰ পৰা আৰম্ভ কৰি একাধিক প্ৰাসাদোপম ঘৰ, সকলোমিলি ৰাজকীয় জীৱন দক্ষিণী ছুপাৰষ্টাৰজনৰ৷
মুঠ সম্পত্তি
আয়-সম্পত্তিৰ নিৰিখত দেশৰ অন্যতম ধনী অভিনেতা থালাপতি বিজয়৷ নিৰ্বাচন কমিছনে জমা দিয়া হলফলামা অনুসৰি তেওঁৰ মুঠ স্থাৱৰ আৰু অস্থাবৰ সম্পত্তিৰ পৰিমাণ প্ৰায় ৬৪৮ কোটি টকা৷ দক্ষিণী চিনেমাৰ জনপ্ৰিয় তাৰকা হিচাপে বহু বছৰ ধৰি বিপুল আয় কৰিছে বিজয়ে৷ ২০২৪-২৫ অৰ্থবৰ্ষত আয়কৰ ৰিটাৰ্ণত তেওঁ ১৮৩.৫৩ কোটি টকাৰ আয় দেখুৱাইছে৷ অৰ্থাৎ এবছৰতেই প্ৰায় ২০০ কোটি টকাৰ ওচৰত ধন আয় কৰিছে তেওঁ৷ হলফনামা অনুসৰি বিজয়ৰ হাতত নগদ প্ৰায় ২ লাখ টকা আছে৷
বেংকৰ কিমান টকা আছে?
প্ৰকৃত চমক তেওঁৰ বেংকত থকা জমা ধনৰ পৰিমাণ৷ HDFC, ICICI, Axis Bank, SBI-সহ বিভিন্ন বেংকত তেওঁৰ মুঠ ডিপোজিট প্ৰায় ২৩০ কোটি টকা৷ ইয়াৰোপৰি আছে ১০০ কোটি টকাৰ ফিক্সড ডিপোজিট৷ সাধাৰণ হিচাপত ধৰিলে এই ফিক্সড ডিপোজিটৰ পৰা দিনে প্ৰায় ২লাখ টকাৰ সুদ পায় বিজয়ে৷ বিভিন্ন বেংকত তেওঁৰ FDৰ অংকইয়ো নজৰ কাঢ়িছে৷ Indian Overseas Bankত আছে ২৫ কোটি, SBI-ত ১৫ কোটি, Axis Bankত ৪০ কোটি আৰু HDFC Bank-বেংকত ২০ কোটি টকাৰ FD আছে বুলি হলফনামাত উল্লেখ কৰা আছে৷
শ্বেয়াৰত বিনিয়োগ
কেৱল বেংকতেই টকা ৰখা নাই৷ শ্বেয়াৰ বজাৰতো বিনিয়োগ কৰা আছে TVK প্ৰধানৰ৷ বিভিন্ন সংস্থাৰ শ্বেয়াৰত তেওঁ কেইবালাখ টকাৰ বিনিয়োগ কৰিছে৷ সকলোতকৈ বেছি টকা লগাইছে Jaya Naga Property Share ত৷ ইয়াৰোপৰি Indian Overseas আৰু un Paper Millৰ শ্বেয়াৰতো তেওঁ ধন বিনিয়োগ কৰি থৈছে৷ তেওঁৰ নামত কোনো LIC পলিছি বা পোষ্ট অফিচ ছেভিংছ নাই৷
বাহনৰ সংখ্যা
বিজয়ৰ দামী বাহনৰ চখ আছে৷ কালেকছন দেখিলেই সেয়ে চকু কঁপালত উঠে৷ BMW, Toyota Lexus, Toyota Vellfire-সহ নানান দামী বাহনৰ মালিক তেওঁ৷ কেৱল Lexus বাহনখনৰ দামেই প্ৰায় ৩কোটি টকা৷ ইয়াৰোপৰি আছে প্ৰায় ২ কোটি টকাৰ এখন BMW৷ তেওঁৰ সকলোবোৰ বাহনেই কোটি টকাৰ ওপৰত৷
সোণ আৰু হীৰা
অভিনেতাৰ সম্পত্তিৰ তালিকাত আছে কোটি কোটি টকাৰ সোণ আৰু হীৰাৰ গহনাও৷ তেওঁৰ নিজৰ নামত প্ৰায় ৬ কোটি টকাৰ গহনা আছে৷ ইয়াৰ মাজত সোণ, ৰূপ আৰু মূল্যবান অলংকাৰো আছে৷ অন্যহাতে তেওঁৰ পত্নীৰ হাততো আছে বিপুল পৰিমাণৰ সোণ, ৰূপ আৰু হীৰাৰ অলংকাৰ৷
১০টাকৈ ঘৰ
স্থাবৰ সম্পত্তিৰ ক্ষেত্ৰতো পিছপৰি থকা নাই বিজয়৷ তেওঁৰ নামত কৃষিভূমি, একাধিক প্লট, বাণিজ্যিক সম্পত্তি আৰু ১০টা ঘৰ আৰু ফ্লেট আছে৷ কেৱল ঘৰ আৰু ফ্লেটৰ মূল্যই প্ৰায় ১১৫কোটি টকা৷ ইয়াৰোপৰি বাণিজ্যিক সম্পত্তিৰ মূল্য প্ৰায় ৮২ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
