অতিকে শোকাৱহ, জীৱন্তে অগ্নিদ্বগ্ধ ৬ গৰাকী লোক, ৫০ৰো অধিকে জপিয়াই প্ৰাণ ৰক্ষা কৰে
বিহাৰৰ ৰাজধানী পাটনাৰ জংচনৰ ঠিক বিপৰীতে অৱস্থিত বহুমহলীয়া পাল হোটেলত বৃহস্পতিবাৰে পুৱা এক বৃহৎ অগ্নিকাণ্ডৰ ঘটনা সংঘটিত হয়। মুঠ তিনিখন হোটেল আগুৰি ধৰে এই জুইয়ে। যাৰ ফলত ঠাইতে প্ৰাণ হেৰুৱাই ৬গৰাকী লোকে।
পুৱা প্ৰায় ১০:৩০ মান বজাত সংঘটিত হোৱা এই জুইয়ে কিছু সময়ৰ ভিতৰতে আগুৰি ধৰে বহু ঠাই। যাৰ ফলতে ৬ গৰাকীয়ে প্ৰাণ হেৰুৱাৰ লগতে ২০ গৰাকী লোক আহত হয়। তাৰোপৰি ৫০ৰো অধিক লোকে কোনোমতে সেই অট্টালিকাটোৰ পৰা জপিয়াই প্ৰাণ ৰক্ষা কৰে।
জুইয়ে ইমানেই কালৰূপ ধাৰণ কৰিছিল যে, মুহুৰ্ততে তিনিটাকৈ অট্টালিকা আগুৰি ধৰিছিল। আনহাতে অগ্নিনিৰ্বাপক বাহিনীয়েও ঘটনাস্থলীত উপস্থিত হোৱাত পলম কৰাত পৰিনাম ভয়াৱহ হৈ পৰে।
ঘটনা ঘটনাৰ প্ৰায় ডেৰ ঘণ্টামান পাছতহে সেই অগ্নিকাণ্ডৰ মাজৰ পৰা প্ৰথমটো মৃতদেহ উদ্ধাৰ কৰে, তাৰ আধা ঘণ্টা মান পাছতহে বাকি কেইটা মৃতদেহ উদ্ধাৰ কৰে অগ্নিনিৰ্বাপক বাহিনীৰ লোকে। কেউগৰাকী লোক জীৱন্তে সেই অগ্নিকাণ্ডৰ ফলত মৃত্যু মুখত পৰে।
পাটনা চেণ্ট্ৰেল ৰেঞ্জৰ টি এছ পি সত্য প্ৰকাশে নিশ্চিত কৰিছে যে পাল হোটেলত সংঘটিত হোৱা অগ্নিকাণ্ডত ৬ জন লোকৰ মৃত্যু হৈছে। তাত তিনিগৰাকী মহিলা আৰু তিনিজন পুৰুষ। আনহাচে আন দুজন লোকৰ অৱস্থা সংকটজনক হৈয়ে আছে। লগতে বিষয়াগৰাকীয়ে কয় যে প্ৰায় ২০ জন লোকক চিকিৎসাৰ বাবে পিএমচিএইচত ভৰ্তি কৰা হৈছে।
স্থানীয় লোকে ঘটনা সন্দৰ্ভত কয় যে পাকঘৰত সংঘটিত হোৱা অগ্নিকাণ্ডই চাৰি মহলীয়া অট্টালিকাটো আগুৰি ধৰে। ওপৰৰ মহলাত ব্ৰেকফাষ্ট কৰি থকা মানুহবোৰ ইয়াৰ দ্বাৰা আঘাতপ্ৰাপ্ত হৈছিল। চিলিণ্ডাৰ বিস্ফোৰণৰ ফলতে এই ঘটনা সংঘটিত হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
