৩০ বছৰৰ বয়স অতিক্ৰম কৰাৰ পাছৰে পৰা মহিলাই নিতৌ খাওক এই সামগ্ৰী, সুস্থ থাকিব আপুনি
বয়স বৃদ্ধিৰ লগে লগে শৰীৰত বহু পৰিৱৰ্তন ঘটে। মহিলাৰ বিপাকীয় ক্ৰিয়া লেহেমীয়া হয়। অৰ্থাৎ ওজন দ্ৰুতগতিত বৃদ্ধি পায়, কিন্তু অতি লাহে লাহে কমি যায়। ৰজোনিবৃত্তিৰ ফলত হাড় আৰু পেশী দুৰ্বল হৈ পৰে। গাঁঠিত বিষ হয়। সেয়ে ৩০ বছৰ বয়স পাৰ কৰা পাছৰে পৰা মহিলা সকলে নিতৌ এনেধৰণৰ আহাৰ গ্ৰহণ কৰিব লাগে যিয়ে তেওঁলোকক সুস্থ কৰি ৰাখে।
অমিতা-
খাদ্য বিশেষজ্ঞসকলে কয় যে যিসকল মহিলাই ৩০ বছৰ অতিক্ৰম কৰিছে তেওঁলোকে দৈনিক অমিতা খাব লাগে। অমিতাত পেপেইন নামৰ এনজাইম থাকে যিয়ে প্ৰটিন ভাঙি পেলোৱাত সহায় কৰে। সেয়েহে ই হজম প্ৰক্ৰিয়াটো সহজ কৰি তোলে। অৰ্থাৎ ই পেট ভালদৰে পৰিষ্কাৰ কৰে। এনে পৰিস্থিতিত কোষ্ঠকাঠিন্য ৰোগত আক্ৰান্ত মহিলাৰ বাবে এয়া এক ঔষধ।
অমিতাত ভিটামিন চি থাকে। ই ছালখনক সূৰ্য্যৰ ক্ষতিকাৰক ৰশ্মিৰ পৰা ৰক্ষা কৰে। লগতে ইয়াত কেলৰি কম আৰু আঁহ বেছি থাকে। অৰ্থাৎ ইয়াক খোৱাৰ পিছত পেটটো বহু সময়লৈকে ভৰপূৰ অনুভৱ হয় আৰু ওজন নিয়ন্ত্ৰণত সহায় কৰে।
পালেং শাক
পালেং শাক অতি উপযোগী। ইয়াত আঁহ থাকে, যাৰ বাবে কৌষ্ঠকাঠিন্য দূৰ হয়। ইয়াৰ উপৰিও ইয়াত নাইট্ৰেট থাকে যিয়ে ৰক্তচাপ নিয়ন্ত্ৰণত ৰাখে। আৰু, হৃদযন্ত্ৰৰ লগত জড়িত ৰোগৰ সম্ভাৱনা হ্ৰাস কৰে। ইয়াত প্ৰচুৰ পৰিমাণে এন্টিঅক্সিডেন্ট থাকে। এইবোৰে আমাৰ কোষবোৰক ক্ষতিৰ পৰা ৰক্ষা কৰে আৰু দীৰ্ঘদিনীয়া ৰোগৰ সম্ভাৱনা কমায়।
মিঠা আলু
মিঠা আলুও খাব পাৰে। ইয়াত বিটা কেৰটিন থাকে। যিটো শৰীৰত ভিটামিন এলৈ ৰূপান্তৰিত হয়। ই আমাৰ চকুৰ যত্ন লয়। সূৰ্য্যৰ ক্ষতিকাৰক ৰশ্মিৰ ফলত হোৱা ক্ষতি হ্ৰাস কৰে। বিটা কেৰটিনে আমাৰ ৰোগ প্ৰতিৰোধ ক্ষমতাও সুস্থ কৰি ৰাখে। মিঠা আলুতো প্ৰচুৰ পৰিমাণে আঁহ থাকে। অৰ্থাৎ ইয়াক খালে আমাৰ পেটত ভাল বেক্টেৰিয়া বাঢ়ি যায়।
আখৰোট
যদি আপুনি শুকান ফল খাবলৈ মন যায় তেন্তে আখৰোট খাব পাৰে। ইয়াত ওমেগা থ্ৰী ফেটি এচিড থাকে। যিবোৰ আমাৰ হৃদযন্ত্ৰ, মগজু, ছাল আৰু গাঁঠিৰ বাবে অতি গুৰুত্বপূৰ্ণ। ওমেগা থ্ৰীয়ে উচ্চ ৰক্তচাপ হ্ৰাস কৰে। ট্ৰাইগ্লিচাৰাইডৰ মাত্ৰা কমি যায় আৰু ভাল কলেষ্টেৰলৰ মাত্ৰা বৃদ্ধি পায় যাতে হৃদযন্ত্ৰৰ লগত জড়িত ৰোগ নহয়।
আখৰোট খালে শৰীৰৰ আভ্যন্তৰীণ প্ৰদাহ কমি যায়। আখৰোটতো ভাল পৰিমাণৰ প্ৰটিন থাকে। ১০০ গ্ৰাম আখৰোটত প্ৰায় ১৫ গ্ৰাম প্ৰটিন থাকে। প্ৰটিনে আমাৰ কোষবোৰ মেৰামতি কৰে আৰু নতুন কোষো সৃষ্টি কৰে। ইয়াৰ উপৰিও ইয়াৰ এন্টি-ইনফ্লেমেটৰী গুণো আছে। অৰ্থাৎ ইয়াক খালে শৰীৰৰ আভ্যন্তৰীণ ফুলা কমি যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
